سۋ رەسۋرستارى جانە يرريگاسيا مينيسترلىگى الداعى 4 جىلدا ق.ساتبايەۆ اتىنداعى كانالدىڭ 19 سۋسورعى اگرەگاتى مەن ەلەكتر جابدىقتارىن اۋىستىرۋدى جوسپارلاپ وتىر.
مەملەكەت باسشىسىنىڭ تاپسىرماسى بويىنشا مينيسترلىك الەمدە تەڭدەسى جوق گيدروتەحنيكالىق قۇرىلىستى كەشەندى رەكونسترۋكسيالاۋدىڭ جول كارتاسىن ازىرلەدى.
ق.ساتبايەۆ اتىنداعى كانال قاراعاندى، پاۆلودار وبلىستارى مەن استانا قالاسىن اۋىز سۋمەن قامتاماسىز ەتىپ وتىر. اتالعان ءۇش وڭىردەگى ءوندىرىس وشاقتارى مەن شارۋا قوجالىقتارى دا كانالدىڭ سۋىن پايدالانادى. گيدروتەحنيكالىق نىساننىڭ جالپى ۇزىندىعى - 458 شاقىرىم.
- حالىق سانىنىڭ ارتۋى جانە وندىرىستىك كاسىپورىنداردىڭ كوبەيۋىنە بايلانىستى كانالدىڭ سۋ رەسۋرستارىنا سۇرانىس ۇلعايۋدا. مەملەكەت باسشىسىنىڭ تاپسىرماسىن ىسكە اسىرۋ اياسىندا بيىل مينيسترلىك ق.ساتبايەۆ اتىنداعى كانالدى كەشەندى جاڭعىرتۋ جۇمىسىن باستايدى. جول كارتاسىنا ساي، 2028 جىلعا دەيىن 19 سۋسورعى اگرەگاتى مەن ەلەكتر جابدىقتارىن جاڭارتامىز. وسىنىڭ ناتيجەسىنە سۋمەن قامتۋ ساپاسىن ارتتىرىپ، كانالدى ۇزاق مەرزىم بويى جانە ءقاۋىپسىز پايدالانۋدى قامتاماسىز ەتكىمىز كەلەدى،- دەدى سۋ رەسۋرستارى جانە يرريگاسيا ۆيسە-مينيسترى ەربولات يبرايحانوۆ.
پىكىر قالدىرۋ