فرانسيانىڭ استاناسىنداعى كوشەلەرگە 200 مىڭنان استام ادام شىقتى. ءبىرجىنىستى نەكەگە قارسى بۇل اكسياعا پاريج تۇرعىندارىنىڭ اراسىندا بۇكىل وتباسىمەن بىرىگىپ قاتىسقاندار بار، - دەپ حابارلايدى Qamshy.kz.
فرانسۋزدار وسىدان ءۇش جىل بۇرىن قابىلدانعان ءبىر جىنىستى نەكەگە رۇقسات بەرەتىن زاڭدى توقتاتۋدى تالاپ ەتۋدە.
اكسياعا قاتىسۋشىلار ءبىرجىنىستى جۇپتاردىڭ نەكەلەسىپ قانا قويماي، ولارعا بالا اسىراۋ قۇقى بەرىلگەنىنە نارازى. تىنىش تا مامىراجاي وتكەن ميتينگتى ۇيىمداستىرۋشىلار وسىنداي ەرەۋىلدى كەلەسى جىلى وتكىزەتىنىن ايتتى.
ەستەرىڭىزگە سالايىق، 2017 جىلى فرانسيادا پرەزيدەنت سايلاۋى وتەدى. ەرەۋىلشىلەر پرەزيدەنت تاعىنان ۇمىتكەرلەر فرانسياداعى ءبىرجىنىستى نەكەنى جويادى دەپ ۇمىتتەنۋدە.
پىكىر قالدىرۋ