قىز نەگىزى ستيۋاردەسسە. ولار ءالماتى-ابۋ-دابي رەيسىندە تانىسىپتى. ءبىر-بىرىن ۇناتىپ، كوپ ۇزاماي وتباسىن قۇرامىز دەپ شەشەدى. قىرعىزدىڭ قىزىنا عاشىق بولعان اعىلشىندىق وعان ۇيلەنۋ ءۇشىن يسلام ءدىنىن قابىلدايدى دەپ جازادى limon.kg. دايىندىعىنا 6 اي، 200-دەن استام ادام شاقىرىلعان توي شەتەلدە، انىعىن ايتساق، پارسى شىعاناعىنداعى شەيح زايد مەشىتىنىڭ قاسىندا ءوتتى. وسى تويدى كورۋ ءۇشىن پاكيستاننان، ءۇندىستاننان، سەربيادان، كورەيادان، افريكادان، فيليپپيننەن كەلگەن قوناقتار بولدى. "جار-جار" انىمەن اتا-ەنەسىنىڭ قاسىنا بارىپ، سالەم سالعان قىز شەتەلدىكتەردى تاڭ قالدىرماي قويمادى. قىزدىڭ اكە-شەشەسى قۇدالارىنا كيىت كيگىزسە، شەتەلدىك قۇدالار قىزدىڭ قالىڭ مالىن تولەپتى.

قىرعىزدىڭ جانناسى مەن اعىلشىندىق يبراگيم بۇگىنگى تاڭدا باقىتتى. جاس وتباسى ابۋ-دابي قالاسىندا تۇرادى.