مينيستر بۇل تۋرالى پارلامەنت دەپۋتاتتارى مينيستر قاسىموۆتان قازاقستان رەسپۋبليكاسىنىڭ ءىىم جەمقورلىقپەن كۇرەسۋ ءۇشىن قانداي شارالار قولدانىپ جاتقانى تۋرالى سۇراعىنا بەرگەن جاۋابىندا ايتقان.
جول قوزعالىسى قاۋىپسىزدىگىنە ارنالعان پارلامەنت وتىرىسى كەزىندە، سەناتور سەرگەي ەرشوۆ جەمقورلىق دەڭگەيى وتە تومەن گرۋزيانى مىسالعا كەلتىرگەن. بۇعان قازاقستان رەسپۋبليكاسىنىڭ ىشكى ىستەر ءمينيسترى قالمۇحانبەت قاسىموۆ:
«ءبىز گرۋزياعا باردىق. ءبىر ەمەس، بىرنەشە رەت باردىق. كوميسسيا رەتىندە باردىق، بارلىق قىزمەتتەن. ولار نە ىستەدى؟ ولار بارلىق قىزمەتكەرلەردى جۇمىستان شىعارىپ جىبەردى. جالاقىنى ەكى ەسە كوبەيتتى دە، جۇيەنى قايتا قۇردى. ءوتىنىش. ءبىز بۇعان بارۋعا دايىنبىز»، -دەپ جاۋاپ بەردى.
وعان قوسا، مينيستر پوليسيا قىزمەتكەرلەرىن قاجەتتى جاراقتارمەن قامتاماسىز ەتۋ كەرەكتىگىن ايتىپ ءوتتى.
«ءبارىنىڭ گەرمانيا، امەريكاداعىداي پوليسيا جاساڭدار دەيتىنى تۇسىنىكتى. ءبىز بۇل تاجىريبەنى دە زەرتتەدىك. مەنىڭشە، گەرمانياداعىداي جالاقى مەن كەرەكتى قۇرالدارمەن جاساقتاساق، ءبىز دە وسى ناتيجەگە جەتەر ەدىك»، -دەيدى ول.
قاسىموۆتىڭ پىكىرىنشە، كۇشتىك قۇرىلىمدارداعى جەمقورلىقتىڭ باستى سەبەبى پوليسەيلەردىڭ الەۋمەتتىك ماسەلەلەرى بولىپ تابىلادى.
پىكىر قالدىرۋ