بۇگىن، 21 قازان، ۋنيۆەرسيادانىڭ باستالۋىنا 100 كۇن قالۋىنا وراي، الداعى حالىقارالىق ستۋدەنتتەر ويىندارىنا بيلەتەر ساتىلىمعا شىقتى. بيلەتتەردى ەڭ ءبىرىنشى ساتىپ الۋشىلاردىڭ ءبىرى الماتى قالاسىنىڭ اكىمى باۋىرجان بايبەك بولدى. ول ويىندار بيلەتىن ب.شولاق اتىنداعى مادەنيەت جانە سپورت سارايىنان ساتىپ الدى.  

بۇگىننەن باستاپ، الماتىلىقتار ۋنيۆەرسيادا بيلەتىن ب.شولاق اتىنداعى مادەنيەت جانە سپورت سارايىنىڭ، مەملەكەتتىك سيركتىڭ جانە دە مەلومان جەلىسىنىڭ كاسسالارىنان ساتىپ الا الادى. سونداي-اق، جاقىن ۋاقىتتا بيلەتتەردى ساتۋ ءۇشىن قازاقستاننىڭ وزگە دە جەتەكشى بيلەت وپەراتورلارى ىسكە كىرىسەدى. بيلەتتەردى ساتۋمەن اينالىساتىن رەسمي ۆەب-پورتالدار: www.almaty2017.com، www.fisuticket.com ي www.kassir.kz.

2017 جىلعى ۋنيۆەرسيادانىڭ رەسمي بيلەت وپەراتورى بولىپ KASSIR.KZ تانىلدى.

بۇگىنگى تاڭدا كەلەسى ديسيپلينالار بويىنشا بيلەتەر ساتىلىمعا ءتۇستى: تاۋشاڭعى، بياتلون، شاڭعى سايىسى، شاڭعى قوسسايىسى، سنوۋبورد، فريستايل، كەرلينگ، شورت-ترەك، حوككەي (ايەلدەر)، حوككەي (ەرلەر)، ترامپليننەن سەكىرۋ، كونكيمەن جۇگىرۋ سپورتى. جارىس كەستەسىمەن ويىنداردىڭ رەسمي سايتى  www.almaty2017.com ارقىلى تانىسا الاسىز.

ايتا كەتۋ كەرەك، سايىستارداعى بيلەتتەردىڭ باعاسى 300 تەڭگەدەن، 3500 تەڭگەگە دەيىن. ال،  ۋنيۆەرسيادانىڭ اشىلۋ جانە جابىلۋ سالتاناتتارى 3000 جانە 15000 تەڭگە ارالىعىندا.

بيلەتتەردىڭ باعاسىن بەكىتۋ كەزىندە ۋنيۆەرسيادا ديرەكسيياسى تاراپىنان ءىرى حالىقارالىق جارىستارداعى بيلەتتەردىڭ باعالارىنا اناليز جاسالىپ، سونىڭ نەگىزىندە ءبىر توقتامعا كەلگەن. ساراپشىلار، استانا مەن الماتىدا وتكەن قىسقى ازيا ويىندارى، قازانداعى ۋنيۆەرسيادا، سوچيدەگى قىسقى وليمپيادا ويىنى، مانەرلەپ سىرعاناۋدان الەم چەمپيوناتتارى، ترامپليننەن سەكىرۋدەن الەم كۋبوگى جانە قازاقستان اۋماعىندا وتكەن ءپروفيلدى جارىستارداعى باعا ساياساتىنا شولۋ جاساعان. سونداي-اق، جاقىندا عانا اياقتالعان  ريو-دە-جانەيرو وليمپياداسىنىڭ تاجىريبەسىنە سۇيەنگەن. ونىڭ نەگىزىندە بيلەتەر حالىققا قولجەتىمدى بولىپ، جارىسقا كەتكەن شىعىننىڭ جارتىسىن اقتاۋى ءتيىس.

بيلەتتەردەن تۇسەتىن قارجى جوسپار بويىنشا 200 ملن. تەڭگەگە جۋىق بولۋى مۇمكىن.