پەتروپاۆلدا بوتەلكەلەسىنىڭ قۇلاعىن كەسىپ ازاپتاعان ەكى قاسكوي سوتتالدى. ولار الدىمەن تانىستارىن ءولىمشى ەتىپ ساباپ، ءتىپتى توق ىشەگىنە تاياق تىققان. اقىرى سولاي ءولتىرىپ تىنىپتى، دەپ حابارلايدى Qamshy.kz Baq.kz سايتىنا سىلتەمە جاساپ.

كوڭىلدى وتىرىس قالاداعى جالدامالى پاتەرلەردىڭ بىرىندە باستالعان. سوزگە كەلىپ قالعان ولار ماسەلەنىڭ باسىن اشىپ الۋ ءۇشىن سىرتقا شىعىپتى. جۇرتتىڭ كوزىنەن تاسا جەردە 22 جاستاعى سەرگەي حانين مەن 19-عا ەندى تولعان يگور مامالىجيەۆ رافايل لاتفۋللينگە تاپ بەرگەن. ايتۋلارىنشا، ول ەكى دوستى بالاعاتتاعان كورىنەدى. جونگە سالماق بولعان قاسكويلەر ونىڭ وڭ قۇلاعىن كەسىپ الىپ، توق ىشەگىنە تاياق تىعىپ، بىلگەندەرىن ىستەگەن. ءسويتىپ، ءلاتفۋلليننىڭ شالا- جانسار دەنەسىن اعاشتىڭ اراسىنا تىعىپ، جايلارىنا كەتىپتى. ولاردىڭ قىلمىسى تولىق دالەلدەنىپ، ەكەۋى 9 جارىم جىلدان ارقالادى. ۇكىممەن مەرت بولعان جىگىتتىڭ اناسى دا كەلىسىپ وتىر.

«اتا- انالارىنا وبال. ولار جۇرتتىڭ كوزىنە نە بەتىمەن قارايدى؟ ماعان دا قيىن بولدى. ۇكىم قانداي بولعاندا دا، ۇلىم ءتىرىلىپ كەلمەيدى عوي. اجەپتەۋىر كومەكشىم ەدى. قايتەمىن ەندى»، -دەيدى جابىرلەنۋشى نۇريا گاينانوۆا.