ۇلتتىق ارنا ەفيردەن جىنىسىن وزگەرتكەن ەر ادامدى شاقىرۋ ءۇشىن وعان اقشا تولەگەن،- دەپ حابارلايدى Qamshy.kz  Nur.kz-كە سىلتەمە جاساپ.

جاقىندا ءلايلا سۇلتان قىزى بلوگەر  ەلۆيرا ەرگاليناعا سۇحبات بەرىپ، باعدارلامانىڭ تاعى ءبىر سىرىمەن ءبولىستى.

ءلايلا سۇلتان قىزى ءترانسۆيستيتتى ەفيرگە شىعارۋدىڭ ناقتى ءبىر كوزدەگەن ماقساتى بولماعانىن، تەك وسى كۇنى قوعامدا بار بىرجىنىستىلارمەن بىرگە كۇرەسۋ كەرەك ەكەنىن،  بىرگە كۇرەسسەك  جەڭە الامىز دەگەندى ايتقىمىز كەلدى دەپ ءتۇسىندىردى.

سونىمەن قاتار، ەفيرگە، حالىق الدىنا كوپ شىعا بەرمەيتىن مۇنداي جىگىتتەرمەن باعدارلاما رەداكتورلارى ۇزاق جۇمىس جاساعانىن، سوڭىندا ەفيرگە شىعارۋ ءۇشىن اقشا تولەۋگە دەيىن بارعان.

قانشا اقشا تولەگەنىن جاسىرعان جۇرگىزۋشى بۇل سۇراقتى جوبا جەتەكشىسى ناريمان  قويشىبايەۆقا نەمەسە پروديۋسەرى اسىل الشۋريناعا قويۋ كەرەكتىگىن ايتادى.

ەسكە سالساق، ءبىر ايعا جۋىق ۋاقىت بۇرىن «قازاقستان» ۇلتتىق ارناسى  «ايەل باقىتى» باعدارلاماسىنا لگبت وكىلىن شاقىرعان. ۇلتتىق ارنانىڭ تورىنەن ترانسۆيستيت جىگىتكە ورىن بەرگەنى ءۇشىن باعدارلاما جۇرگىزۋشىسى ءلايلا سۇلتان قىزىنىڭ باسى داۋعا قالعان بولاتىن.

الەۋمەتتىك جەلى قولدانۋشىلارىنىڭ قىزۋ تالقىسىنا ءتۇسىپ، «قازاقستان» ۇلتتىق ارناسىنا ءبىراز سىن ايتىلعان ەدى.  ءتىپتى اتىشۋلى جۋرناليست اردابەك سولداتباي «قازاقستان» ۇلتتىق ارناسىنىڭ سول كەزدەگى باسشىسى نۇرجان جالاۋقىزىنان ءلايلا سۇلتانقىزىن جۇمىستان شىعارۋدى تالاپ ەتتى.