رەسەيدىڭ تۇركياداعى ەلشىسىن ولتىرگەن ميەۆليۋت مەرت التىنشاشتىڭ تۋىستارى ونىڭ دەنەسىن ءمايىتحانادان الىپ كەتۋدەن باس تارتقاندىقتان ونى بەلگىسىز زيراتقا كومبەك دەپ حابارلايدى ria.ru.
بۇعان دەيىن قىلمىسكەردىڭ دەنەسىن الىپ كەتپەيتىنىن ميەۆليۋت مەرت التىنشاشتىڭ اپكەسى حابارلادى. جەرگىلىكتى زاڭ بويىنشا تۋعان-تۋىستارى ونىڭ دەنەسىن 15 كۇننىڭ ىشىندە الىپ كەتە الادى. ال التىنشاشتىڭ دەنەسى ءمايىتحانادا جاتقانىنا 24 كۇن بولدى.
قازىرگى تاڭدا جەرلەۋگە قاتىستى سۇراقتار شەشىلىپ جاتىر. ودان كەيىن قىلمىسكەردىڭ دەنەسىن جەرلىگىكتى بيلىككە تاپسىرادى.
رەسەيدىڭ تۇركياداعى ەلشىسى بولعان اندرەي كارلوۆ 19 جەلتوقساندا انكاراداعى فوتو كورمەدە جاس پوليسەي مەرت التىنشاشتىڭ قولىنان قازا تاپتى. رەسەيدىڭ ءسىم اتالمىش وقيعانى تەراكت دەپ اتادى. رەسەيدىڭ تەرگەۋ كوميتەتى «حالىقارالىق تەرروريزم ارەكەتى» دەگەن باپپەن قىلمىستىق ءىس قوزعادى.
