ازاماتتارعا ارنالعان ۇكىمەت قازاقستاندىقتاردىڭ ۋاقىتىن ۇنەمدەيتىن كەزەكتى پيلوتتىق جوبانى باستادى. بۇگىننەن باستاپ، جاس انالار بالا تۋۋىنا بايلانىستى جانە  ونىڭ ءبىر جاسقا دەيىنگى كۇتىمىنە جاردەماقىنى ءبىر وبلىس ىشىندە تىركەۋىنە قاراماستان رەسىمدەۋىنە بولادى، دەپ حابارلايدى BNews.kz.

ەستەرىڭىزگە تۇسىرە كەتسەك، وتكەن جىلدىڭ قىركۇيەك ايىنان باستاپ «ازاماتتارعا ارنالعان ۇكىمەت» مەملەكەتتىك كورپوراسياسى پيلوتتىق جوبانى ىسكە قوسقان بولاتىن. ونىڭ اياسىندا كورپوراسيا قىزمەتكەرلەرى  پەرزەنتحانا عيماراتتارىندا بىردەن 4 بىردەي قىزمەت كورسەتۋگە ءوتىنىش قابىلداي الاتىن. بۇل قىزمەتتەر: بالا تۋۋىن تىركەۋ، بالا تۋۋىنا جانە ونى ءبىر جاسقا دەيىن كۇتۋگە جاردەماقى تاعايىنداۋ، الەۋمەتتىك تاۋەكەلدەر جاعدايىنا الەۋمەتتىك تولەمدەر تاعايىنداۋ: ءبىر جاسقا تولعانعا دەيىنگى ۋاقىتتا بالا كۇتىمىنە بايلانىستى كىرىسىنەن ايىرىلۋ، بالالاردى مەكتەپكە دەيىنگى مەكەمەلەرگە كەزەككە قويۋ. بۇگىنگى كۇندە بۇل جوباعا  ق ر بويىنشا 206 پەرزەنتحانا مەن پەريناتالدىق ورتالىقتار جۇمىلدىرىلعان.

«ازاماتتارعا ارنالعان ۇكىمەت» مەملەكەتتىك كورپوراسياسى» كە اق باسقارما ءتوراعاسى دانيار ەرەنچينوۆتىڭ ايتۋىنشا بالا تۋۋىمەن بايلانىستى پەرزەنتحانالاردا كورسەتىلەتىن كومپوزيتتىك قىزمەتتەر پيلوتىن مەملەكەتتىك كورپوراسيا وتكەن جىلدىڭ قىركۇيەك ايىنان باستاپ تەستىلەدى. بۇل رەتتە، جاردەماقىلاردى تاعايىنداۋدا قۇجاتتاردى قابىلداۋ بارىسىندا ەڭ پروبلەمالىق ماسەلە ەكساۋماقتىق قاعيداتتىڭ بولماۋى بولىپ شىقتى، ياعني ازاماتتار جاردەماقى تاعايىنداۋعا تەك تۇراقتى تىركەلگەن جەرىنەن عانا ءوتىنىش بەرۋلەرىنە بولاتىن بولدى.

«باسقاشا ايتقاندا، بۇرىن، ەگەر ايەل بۋرابايدا تۇرعىلىقتى مەكەنجايى بويىنشا تىركەلگەن بولىپ،  ال كوكشەتاۋ قالاسىنىڭ پەريناتالدىق ورتالىعىندا بوسانعان بولسا، ول جاردەماقى تاعايىنداۋ ءۇشىن تىركەلگەن جەرى بويىنشا، ياعني بۋرابايداعى حقكو-عا جۇگىنۋىنە تۋرا كەلەتىن. ءبىز بۇل ماسەلەنى شەشتىك جانە  بالا تۋۋىنا بايلانىستى جانە  ونىڭ ءبىر جاسقا دەيىنگى كۇتىمىنە جاردەماقى تاعايىنداۋعا ءوتىنىش قابىلداۋدا ەكساۋماقتىق قاعيداتتى قولدانۋ مەحانيزمىن ازىرلەدىك.  باستاپقىدا پيلوتتىق جوبا تەك وبلىس ىشىندە عانا جۇمىس ىستەيتىن بولادى، ال جاقىن ارادا ەكساۋماقتىقتى بارلىق قازاقستان بويىنشا ىسكە قوسۋدى جوسپارلاپ وتىرمىز»، - دەدى ەرەنچينوۆ.

سونداي-اق، ەرەنچينوۆتىڭ ايتۋىنشا، بالالارعا جاردەماقى تاعايىنداۋدى راسىمدەۋ ءۇشىن ەكساۋماقتىق قاعيداتتى ەنگىزۋ – مەملەكەتتىك قىزمەتتەردى الۋدى جەڭىلدەتۋدىڭ كەزەكتى قادامى، سەبەبى، بۇل 4 بىردەي قىزمەتتى الۋ ءۇشىن قازاقستاندىقتارعا قۇجاتتاردىڭ مينيمالدى توپتاماسى قاجەت:

 – اتا-انانىڭ جەكە باسىن كۋالاندىراتىن قۇجات، نەكە قيۋ تۋرالى كۋالىك جانە ونىڭ كوشىرمەسى (قازاقستان رەسپۋبليكاسىنىڭ اۋماعىندا  2008 جىلدان سوڭ نەكە قيعان ازاماتتار كۋالىكتىڭ كوشىرمەسىن بەرمەيدى)؛

– بالانىڭ تۋۋى تۋرالى مەديسينالىق كۋالىك (پەرزەنتحانادا بەرىلەدى)،

– بارلىق بالالاردىڭ تۋۋى تۋرالى كۋالىكتەرى نەمەسە احۋالدىق جازبالاردىڭ كوشىرمەسى،

– بانكتىك شوتتىڭ ءنومىرى جايلى قۇجات.

پيلوتتىق جوبانى ىسكە قوسقان ساتتەن باستاپ «ازاماتتارعا ارنالعان ۇكىمەت» مەملەكەتتىك كورپوراسياسى پەرزەنتحانالار مەن پەريناتالدىق ورتالىقتاردى ءجۇز مىڭنان استام قىزمەت كورسەتكەندىگىن ايتا كەتۋ كەرەك.