قاراعاندى وبلىستىق قازىناشىلىق دەپارتامەنتىنىڭ باسشىسى اشكەرە بولدى، - دەپ حابارلايدى Tengrinews.kz ءتىلشىسى سىبايلاس جەمقورلىققا قارسى ءىس-قيمىل ۇلتتىق بيۋروسىنا سىلتەمە جاساپ.
انتيكوررۋپسيالىق قىزمەت جەمقورلىق زاڭبۇزۋشىلىقتاردى انىقتاپ، ناتيجەسىندە ءبىرقاتار لاۋازىمدى تۇلعا اشكەرە بولعان.
ق ر قارجى مينيسترلىگىنىڭ وبلىستىق قازىناشىلىق دەپارتامەنتىنىڭ جەتەكشىسى نۇرپەيىسوۆ ءوز قاراماعىنداعىلاردان بىرنەشە رەت پارا العان. دەپارتامەنتتىڭ لاۋازىمدى تۇلعالارى جەتەكشىنىڭ ورىنباسارلارىنىڭ ءبىرى ارقىلى نۇرپەيىسوۆكە سىياقىلارىنىڭ 150 مىڭ تەڭگە سوماسىنداعى بولىگىن قارجى مينيسترلىگىنىڭ ورتالىق اپپاراتىنداعى كوميسسيامەن كەزدەسۋ ۇيىمداستىرۋ ءۇشىن بەرىپ وتىرعان. دەپارتامەنت باسشىسى نۇرپەيىسوۆ ءوز كىناسىن تولىقتاي مويىنداپ وتىر. وسى دەرەكتەر بويىنشا سوتالدى تەرگەۋ جۇرگىزىلىپ جاتىر".
وسىعان دەيىن ەڭبەك گيگيەناسى جانە كاسىبي اۋرۋلار ۇلتتىق ورتالىعىنىڭ باسشىسى قانات ساكييەۆتىڭ پارا العانىن مويىنداعانى حابارلاعان.
"جەمقورلىق زاڭبۇزۋشىلىق انىقتالدى، ونىڭ ناتيجەسىندە ءبىرقاتار لاۋازىمدى تۇلعا اشكەرە بولدى. ەڭبەك گيگيەناسى جانە كاسىبي اۋرۋلار ۇلتتىق ورتالىعىنىڭ باسشىسى ق. ساكييەۆ "دەنساۋلىق" ق ر دەنساۋلىق ساقتاۋدى دامىتۋ مەملەكەتتىك باعدارلاماسىنىڭ اياسىندا دارى-دارمەكتەردى جەتكىزىپ بەرۋگە ساتىپ الۋلار بويىنشا كەلىسىمشارتقا كەدەرگىسىز قول قويۋ ارقىلى جەكە كاسىپكەرلەردەن جۇيەلى تۇردە پارا العان"، - دەلىنگەن حابارلامادا. ساكييەۆ ءوز كىناسىن تولىقتاي مويىنداپ وتىر ەكەن. وسى دەرەك بويىنشا سوتالدى تەرگەۋ جۇرگىزىلىپ جاتىر.
پىكىر قالدىرۋ