سىبايلاس جەمقورلىققا قارسى ءىس-قيمىل ۇلتتىق بيۋروسى "فەنيكس" ءفيلمىنىڭ تۇسىرىلىمىنە بولىنگەن قاراجاتتى جىمقىرۋ بويىنشا قىلمىستىق ءىستىڭ تەرگەۋىن اياقتادى دەپ حابارلايدى tengrinews.kz.
"انتيكوررۋپسيالىق قىزمەت "فەنيكس" كوركەمفيلمىنىڭ وندىرىسىنە بولىنگەن 69 ميلليون تەڭگە سوماسىنداعى اسا ءىرى بيۋدجەت قاراجاتىن جىمقىردى دەگەن كۇدىك كەلگەن تۇڭعىشباي جامانقۇلوۆقا، گاۋھار ىسقاقوۆاعا، ناتاليا يۋديناعا جانە باسقا تۇلعالارعا قاتىستى قىلمىستىق ءىستى تەرگەۋدى اياقتادى"، - دەپ حابارلادى ۇلتتىق بيۋرونىڭ تەرگەۋ دەپارتامەنتى باسشىسىنىڭ ورىنباسارى ولەسيا كەكسەل.
"قازىرگى ۋاقىتتا ءىس ماتەريالدارى پروسەسس قاتىسۋشىلارىنا تانىسۋعا بەرىلدى، ودان كەيىن قىلمىستىق ءىس ايىپتاۋ اكتىسىمەن الماتى پروكۋراتۋراسى قاراۋعا جانە كۇدىكتىلەردى سوتقا بەرۋ ءۇشىن جىبەرىلەدى"، - دەدى كەكسەل.
ايتا كەتەيىك، قاراجات جىمقىرۋ ىسىندە رەجيسسەر تالگاد جانىبەكوۆتىڭ دە اتى اتالادى. ول وتكەن جىلدىڭ جەلتوقسان 2 ايعا قاماۋعا الىنعان بولاتىن.
پىكىر قالدىرۋ