اسسالامۋعالەيكۇم نۇرلان اعا! جۇمىسىڭىزعا ساتتىلىك، جانۇياڭىزعا باقىت تىلەيمىن! سىزبەن كەزدەسكەندە، ءسوز سوڭىندا: «ءيا، الدا ءالى تالاي قىرۋار جۇمىستار بار» - دەگەنىڭىز ەسىمدە. ارينە، ءومىر كۇرەس! بىردە جەڭىس، بىردە جەڭىلىس! دەمالىپ، جاۋعا شابۋدان قايتپاعان قازاقتىڭ تۇقىمدارى ەمەسپىز بە؟
«ايتا ايتا التايدى، جامال اپاي قارتايدى» دەگەندەي، قاقساپ-قاقساپ، اقىرى قۇلسارىداعى جەزوكشەلەر ءۇيى بيىلعى 2017، قاڭتاردىڭ 9-ى كۇنى تۇبەگەيلى جابىلدى. مەن بۇل ماسەلەلەردى امالسىز جەلىلەرگە سالىپ، بولماعان جاعدايدا قىرۋار قارسى ادامداردىڭ قولىمەن ق ر جوعارعى سوتى مەن ق ر باس پروكۋرورىنا جولداماق بولعانمىن، نامىستى جىگىتتەرمەن دە، ب ا ق ارقىلى دا شەشەمىن دەپ ءتۇيدىم. جەلىنى شۋلاتقان بۇل ماقالا «جامان ءۇيدى» وسى ۋاقىتقا دەيىن قورعاپ كەلگەن ءاعالى-ىنىلى جانداردىڭ (جىلوي اۋدانى ءىى ءبولىمىنىڭ قۇقىق قورعاۋ قىزمەتكەرى مەن يندەر اۋدانىنىڭ پروكۋرورى) قولىنا تۇسكەن. تۇسكەن ماقالانى بالالادى شەشەلەرىنە كورسەتكەن. ءار تاڭدا ۇلدارىنىڭ تىلەۋىن تىلەپ وتىراتىن نامازحان شەشەسى بۇل ىستەن مۇلدەم بەيحابار ەكەن. سول بويدا اشۋعا ءمىنىپ، عيماراتىن جالداپ وتىرعان جەزوكشەلەردى ءاي-شايعا قاراماي تۇگەلىمەن تىرقىراتىپ قۋىپ شىققان. ابدەن كوشىرىپ بولىپ انار ەسىمدى شەشەلەرى ماعان ۇيىمە كەلىپ ءىستىڭ ءمان-جايىن تولىعىمەن ءتۇسىندىرىپ بەردى. نۇكتەسى قويىلدى، ياعني بۇل ءىس وسىمەن تامام!
ەڭ باستىسى، ۇرپاقتى جاماندىققا باستايتىن ءبىر كۇنا وشاق جابىلدى. بۇل دا جەڭىس! ەندىگى، سىزگە ايتپاق ەكىنشى ماسەلەم بىلاي بولىپ تۇر. ماعان قۇلسارى جاستارى اتىنان قورجىنعا كوپتەگەن حاتتار كەلىپ تۇسەدى. ارينە، مەن شامام كەلگەنىنشە بارىنە اقىلعا سالىپ، ساليحالى، بەيبىت تۇردە جاۋاپتارىن بەرىپ وتىرامىن. ماعان ءتيىمدىسى – وگىزدىڭ ولمەگەنى، اربانىڭ سىنباعانى، ارباكەشتىڭ جاپا شەكپەگەنى. سونىڭ ىشىندە مىنا ماسەلەنى قۇر جاۋاپپەن قالدىرۋعا بولمايتىنداي كورىنىپ وتىر ماعان. قۇلسارى قالاسى، 3 ءشى مولتەكاۋدان تۇرعىنى 25 جاسار گۇلميرا ساعات قىزىنىڭ: «مىنا تۇرىمىزبەن بىزدە قانداي بولاشاق بار؟» - دەگەن شىرىلداعان جان ايعايى مەنى بەي-جاي قالدىرمادى. ونىڭ جىبەرگەن نارسەلەرىن كورىپ مەن جاعامدى ۇستادىم. ءبىز جاۋدى دالادان كەلەدى دەپ ۇرەيلەنىپ جۇرگەندە، جاۋ ءوز ورتامىزدان، ءوز ۇلت-ۇرپاعىمىزدان، ءوز جاستارىمىزدان شىعىپ، ءبىزدىڭ سالت-سانا نەبىر قۇندىلىقتارىمىزدى شايتان تىسپەن كەمىرىپ جاتقاندىقتارى ەرىكسىز جانىڭا باتادى ەكەن. قازاقتىڭ: «جاۋ جوق دەمە، جار استىندا، ءبورى جوق دەمە، بورىك استىندا» دەگەن ۇشقىر ماقالى وسىنىڭ دالەلى بولىپ وتىر. ءبىر جاماندىقتان قۇتىلىپ «ۋف!» دەپ، ارقانى كەڭگە سالا بەرگەندە، مىنا جاقتان ەكىنشى زۇلمات بوي كوتەرە قويدى. قۇلسارىدان «كۋريسا كۋلسارى، بومبا كۋلسارى، كۋلسارى دەتكا» دەگەن جامان لاس، انايى توپتار اشىلدى. بۇلاردىڭ ەندى اتقارىپ جاتقان شايتاني ىس-ارەكەتتەرى وتە سۇمدىق! جەزوكشەلىك، اشىنالىق كەرەك پە، زيناقورلىقتىڭ شەكتەن شىققان اۋىر «تياجەلىي» تۇرلەرى كەرەك پە، قىزتەكەلەر كەرەك پە، بۇكىل اۋىر، جەكسۇرىن جىنىستىق قاتىناستىڭ ءبارى وسى توپتا. جانە دە كەيىپكەرلەرى وڭكەي ءوز قازاعىمىزدىڭ بەسىكتەن ءالى بەلى شىعا قويماعان، وڭ مەن سولىن اجىراتا قويماعان، اۋزىنان انا ءسۇتى كەپپەگەن، ءالى البىرت، اۋمالى كەزەڭنىڭ قىل ۇستىندە تۇرعان ۋىلجىعان جاپ-جاس سۇيكىمدى قىزدارى. ياعني، بولاشاق كەلىندەرىمىز، بولاشاق جارلار، بولاشاق انالار، ەرتەڭگى كۇنگى اجەلەر! ال جوعارىداعى اتى اتالعان ازعىرىندى توپتار ۇرپاعىمىزدىڭ تاپا-تالتۇستە ەسسىز اداسۋىنا زور ۇلەستەرىن قوسىپ وتىر. ولار تىپتەن قاتىسى جوق جاپ-جاس قازاق قىزدارىنىڭ دا سۋرەتتەرىن تەل نومىرلەرىمەن قوسىپ توپقا جاريالاپ جىبەرىپ جاتىر.
قاراڭىز، جابىق، قورعان ۇيدە وتىرىپ الىپ، ينتەرنەت جەلىسىن جاماندىققا شەبەر پايدالانىپ، ءبىر ادامنىڭ ءوزى قانشا كوزسىز ۇرپاقتىڭ شامادان تىس ازۋىنا، حايۋاني سەزىممەن جولدان تايقۋىنا سەپتىگىن تيگىزىپ وتىر؟ قارا دا تۇر، مىنا تۇرمەن ەرتەڭگى كۇنى «زووفيلي كۋلسارى، پەدوفيلي كۋلسارى، مانياكي، ليۋدوەدى كۋلسارى، سەمەينىي ينسەست كۋلسارى» دەگەن توپتار انىق اشىلادى. دەر كەزىندە كۇرە تامىرعا بالتا شاپپاسا، الدىڭعى توپتار بۇنىڭ العاشقى باسپالداعى بولىپ قالادى. سوندا ءبارى كەش، بارماق شايناۋ پايداسىز بولماق. اۋىر دا بولسا ايتايىن، ەندىگىسى، جەتى اتادان اسپاي قىز الماعان تەكتى قازاقتىڭ بىرىمەن-بىرى (اعاسى مەن قارىنداسى، شەشەسى مەن بالاسى سياقتى) شاعىلىسۋلارى قالدى؟ قۇلسارىنىڭ كەيبىر ايالدامالارىندا ۇلكەن ەتىپ، باقىرايتىپ قويىپ قىزىل سىرمەن جازىپ قويعان «كۋلسارى دەتكا» دەگەن جازۋلارعا دەيىن پايدا بولدى. بۇل ەندى جامان توپتىڭ اشىق جارنامالارى مەن ايقىن سىلتەمەلەرى. قايماعى بۇزىلماعان قازاق اۋىلداردان كۇناھار جاستاردىڭ ىشكى «ەۆروكۇنا» جارعىلارى مەن جىمىسقى ساسىق يىستەرى مۇڭكىپ شىعا باستادى. كۇلە كىرىپ كۇڭىرەنە شىعاتىن باتىستىڭ بىلىعىنان قۇتىلۋ ەندىگى جەردە زور ازاپقا تۇسەدى. مەن ءقاۋىپ ەتكەننەن ايتامىن. زاڭدا بۇلارعا قاداعالاۋ جوق پا؟ قازاق: «ىشتەن شىققان جاۋ جامان!» دەگەن. راسىندا دا ءبىزدىڭ بولاشاق بۇلىڭعىر! مۇنداي جاستاردان قۇرالعان ۇلت جاۋلارىن تۇپ-تامىرىمەن تۇبەگەيلى جويۋ كەرەك! ەشكىمنىڭ اراشاسىن قاجەت ەتپەستەن كوزدەرىن تۇگەل قۇرتۋ كەرەك! مۇنداي توپتى اشقاندارعا، اشۋعا سەبەپ بولعاندارعا دا زاڭنىڭ ەڭ قاتاڭ، ەڭ كۇردەلى ءتۇرىن قولدانۋ كەرەك! مەيىلىنشە اۋىر جازالاۋ كەرەك! مەرزىمنىڭ ەڭ كوبىن تاعايىنداپ، بارسا كەلمەس، ىنتىقتىڭ تۇبىنە ءبىر-اق جىبەرۋ كەرەك! وسى ماسەلەدە اتىراۋ ايماعى بويىنشا بارلىق ءىى دەپارتامەنتى، ءىى بولىمىنە، ۇقك-نە، پروكۋروتۋرا، قانداي دا ءبىر قاتىسى بار قۇزىرلى ورىنداردىڭ بارىنە، بارلىق مەشىت يمامدارىنا ايماقتىڭ پاتشاسى رەتىندە شۇعىل تۇردە قاتاڭ تاپسىرما بەرۋىڭىزدى سۇرايمىن!
تومەندە گۇلميرانىڭ حاتىن ىقشامداپ جىبەرىپ وتىرمىن. ىشىندە جامان توپتارىڭ كىلتى كورسەتىلگەن. سونىمەن اشىپ قاراسا، بىلىققا كوز جەتەدى.
«https://vk.com/kulsari18 وسىنداي لاس توپ اشىلىپتى. يەسىن جاۋاپقا قالاي تارتۋعا بولادى؟ ول توپتىڭ ادمين سوزداتەلiنiن سسىلكاسى https://vk.com/id400182890
قازاق قىزدارىن قورلاۋدا. جانە جالا جاۋىپ جەزوكشەلەر قاتارىنا قوسىپ سۋرەتتەرى مەن نومىرلەرىن سالۋدا. ۇلتتىق قاۋىپسىزدىك كوميتەتى مەن پروكۋراتۋرا تابادى. قانداي تەلەفون نومىرمەن اشسا دا. مىنە وسى نايiس توپتا https://vk.com/kulsari18 قىزدار مەن ولاردىڭ نومىرلەرى جازىلىپ تۇر. كۋريسى كۋلسارى دەگەن توپ. پورنوگرافيا مەن جالا جابۋ. بۇل توپ بارا-بارا بارلىق قىزداردىڭ سۋرەتى مەن نومىرلەرىن سالىپ قازاق قىزى دەگەن اتقا كۇيە جاعىپ ەلدى ازدىرۋ ساياساتىن جۇرگىزە بەرەدى. بومبا كۋلسارى، قۇلسارى دەتكا دەگەن توپتار تاعى بار. سىلتەمەسى مىنە: https://vk.com/bombakulsary مازاق پەن كەلەكە جانە جالا جابۋ توبى بۇل. قازاق قازاقتى مازاق قىلعانىنا ءماز.»
جىلوي اۋدانى، قۇلسارى قالاسى
تۇرار شاپقارا
پىكىر قالدىرۋ