ورتالىق بارلاۋ باسقارماسىنىڭ قۇپيا مۇراعاتىندا تەرروريستتىك ارەكەت جاسادى دەگەن كۇدىكپەن ۇستالعانداردى تەرگەۋ بارىسىندا ولاردى ازاپتاعانى تۋرالى مالىمەتتەر بار دەپ حابارلايدى New York Times گازەتى.

وبب دجوردج بۋش پرەزيدەنت بولعان شاعىندا (2001-2009) 2014 جىلى جاريالانعان 500 بەتتىك سەنات كوميتەتىنىڭ بايانداماسىندا ول تۋرالى ەگجەي-تەگجەيلى ايتىلمادى. قۇپيا تۇردە ساقتالىپ وتىرعان 6،7 مىڭ بەتتەن تۇراتىن بارلاۋ مۇراعاتىنداعى قۇجاتتار توڭىرەگىندە پىكىرتالاس تولاستار ەمەس.

قۇجاتتا ساۋد ارابيا ازاماتى ابۋ زۋبايداحتى قالاي تەرگەگەنى تۋرالى دا جازىلعان. ونى وبب قىزمەتكەرلەرى جازدى.

ابۋ زۋبايداحتى «ال-كايدانىڭ» كوشباسشىسى بولۋى مۇمكىن دەپ بولجاعان.   

وبب قىزمەتكەرلەرى تەرگەۋ بارىسىندا بەلگىلەنگەن نۇسقاۋلىقتاردى ۇستانعانىن ايتتى. الايدا زۋبايداح باسقا اقپارات بەردى.

«ول مەنى قابىرعاعا ۇرۋىن توقتاتپادى. باسىمدى قابىرعاعا قاتتى ۇرعانى سونشالىق، ءار سوققى سايىن ەدەنگە قۇلادىم. ءبىر ساتتەرى ءتىپتى كوز الدىمداعىنى بىرنەشە مينۋت بويى كورە الماعان كەزدەرىم بولدى. مەن تولىقتاي تۇرا المادىم. سەبەبى مەنى قىسقا شىنجىرمەن بايلاپ تاستادى» دەدى  زۋبايداح 2008 جىلى ءوز ادۆوكاتىنا. بۇل قۇجات تا قۇپيا مۇراعاتتا ساقتالعان.  

قۇجاتتاردا تەرگەۋ بارىسىندا  زۋبايداحتى تابىتقا ۇقساس كىشكەنتاي قوراپقا سالىپ، مەديسينالىق پرەپاراتتار سالىپ، سۋمەن تۇنشىقتىرعانى جازىلعان.