سوت CentralAsiaMonitor باس رەداكتورى جانە Radiotochka.kz سايتىنىڭ ديرەكتورى بيگەلدى عابدۋلين ق ر پرەزيدەنتى نۇرسۇلتان نازاربايەۆتىڭ كەسىمدى ءسوزىنىڭ ارقاسىندا بوستاندىققا شىققانىن ايتتى.

 «مەن نۇرسۇلتان ءابىش ۇلى نازاربايەۆقا ريزاشىلىعىمدى بىلدىرگىم كەلەدى. نۇرسۇلتان ءابىش ۇلىنىڭ شەشۋشى ءسوزىنىڭ ارقاسىندا مەن بوستاندىققا شىقتىم. قازاق ادەبيەتىنىڭ مايتالماندارى ءادبىجامىل نۇرپەيىسوۆ، ولجاس سۇلەيمەنوۆ، ءاسانالى ءاشىموۆ، دۋلات يسابەكوۆ، سماعۇل ەلۋبايەۆتار قول قويعان ۇندەۋدى قاپەرگە العانى ءۇشىن العىسىم شەكسىز. ەڭ الدىمەن ءوزىمنىڭ دوستارىما، استانا قالالىق ءماسليحاتىنداعى ارىپتەستەرىمىزگە ريزاشىلىعىمدى بىلدىرەمىن. قيىن ساتتە مەنى تاستاپ كەتپەي، تەك ماتەريالدىق جاعىنان عانا ەمەس، سونىمەن بىرگە مورالدىق تۇرعىدا قولداۋ كورسەتكەن بارلىق ادامدارعا ريزامىن»، - دەدى بيگەلدى عابدۋللين سوت زالىنان بوساپ شىققاننان كەيىن.

ەستەرىڭىزگە سالا كەتەيىك، بيگەلدى عابدۋلينگە جامبىل وبلىستىق اكىمدىگىنەن ول 10 ميلليون تەڭگە كولەمىندەگى بيۋدجەت قارجىسىن بوپسالادى دەگەن ايىپ تاعىلعان. 

بۇگىن بيگەلدى عابدۋللين 5 جىلعا باس بوستاندىعىنان شەكتەلدى. سوت CentralAsiaMonitor باس رەداكتورى جانە Radiotochka.kz سايتىنىڭ ديرەكتورى سوت زالىندا قاماۋدان بوساتىلدى.

جۋرناليستەر اراسىندا جاۋاپقا تارتىلعانداردىڭ اراسىندا قازاقستان جۋرناليستەر وداعىنىڭ ءتوراعاسى، ۇلتتىق باسپا ءسوز كلۋبى باسشىسى سەيىتقازى ماتايەۆ پەن قازتاگ اقپارات اگەنتتىگى باس ديرەكتورى اسەت ماتايەۆ تا بار. ماتايەۆ «قارجى جىمقىردى» جانە «سالىقتان جالتاردى» دەگەن ايىپتارمەن 6 جىلعا سوتتالدى. ال، ونىڭ ۇلى قازتاگ اگەنتتىگىنىڭ ديرەكتورى اسەت ماتايەۆ «قارجى جىمقىردى دەگەن ايىپپەن بەس جىلعا سوتتالدى.