ەل باسى نۇرسۇلتان نازاربايەۆ مەملەكەتتىك باسقارۋ جۇيەسى تۋرالى  ءوز ۇندەۋىن جاريالادى. مەملەكەت باسشىسى ەلدى باسقارۋ جۇيەسىن جاڭعىرتاتىن ۋاقىت جەتكەنىن حابارلادى. ول رەفورمانىڭ ەكى نەگىزگى باعىت بويىنشا ىسكە اساتىنىن ايتتى. 

1. پرەزيدەنتتىڭ الەۋمەتتىك، ەكونوميكالىق پروسەسستەردى رەتتەۋدەگى ءبىرشاما وكىلەتتەرىن ۇكىمەتكە جانە باسقا دا اتقارۋشى ورگاندارعا بەرۋدى ءجون دەپ تاپقانىن جەتكىزدى. بۇل سالاعا ۇكىمەت، مينيسترلىكتەر جانە اكىمدىكتەر جاۋاپ بەرەدى. وكىلەتتىكتەردى بەرۋ ءتيىستى زاڭداردى وزگەرتۋ ارقىلى ىسكە اساتىن بولادى. بۇل وزگەرىستەردى ۇكىمەت پارلامەنتتىڭ سەسسياسىنىڭ اياعىنا دەيىن ەنگىزەدى. 

1. ودان دا كۇردەلى مىندەت بيلىك تارماقتارى اراسىنداعى قارىم-قاتىناستى كونستيتۋسيالىق دەڭگەيدە تەڭگەرىمدى ەتۋ. وسى رەفورما اياسىندا ۇكىمەتتى جاساقتاۋدا  پارلامەنتتىڭ ءرولىن كۇشەيتپەك. پارلامەنت سايلاۋىندا جەڭگەن پارتيا ۇكىمەت قۇرامىن انىقتاۋعا تۇبەگەيلى  ىقپال ەتەتىن بولادى. بۇل مينيسترلەر كابينەتىنىڭ  وكىلەتتى بيلىك الدىنداعى جاۋاپكەرشىلىگىن ارتتىرادى. تيىسىنشە بيلىكتىڭ زاڭ شىعارۋشى تارماعىنىڭ اتقارۋشى بيلىككە باقىلاۋىن كۇشەيتەتىن بولادى.