رەسەيدىڭ كيروۆ وبلىسىنداعى الەكساندروۆسك اۋىلىنىڭ تۇرعىنى ءوزىنىڭ تۋعان قىزىن 12 جىل بويى ساندىقتىڭ ىشىندە تىعىپ ۇستاعان دەپ حابارلايدى qamshy.kz today.kz-كە سىلتەمە بەرىپ.
وسى ۋاقىت ارالىعىندا ماريا ميحاليسينا تەك قانا ناننىڭ قوقىمدارىمەن عانا تاماقتانعان.
ايەل ءوزىنىڭ قىزىن 6 جاسىندا ساندىققا تىققان. جىلدار بويى ساندىق ىشىندە بولعان ماريانى ول 18 جاسقا تولعاندا عانا 1989 جىلى بوساتقان. ول ۋاقىتتا قىزدىڭ بويى 60 سانتيمەتر، اياقتارى وتە قىسقا بولىپ قالعان. تابىلعان قىزدى سول كەزدە «رودنيك» اتالاتىن بالالار ۇيىنە جىبەرگەن. بالالار ءۇيىنىڭ ديرەكتورى ينەسسا زاحاريەۆيچ قىزدىڭ سول ۋاقىتتا سويلەي دە، جۇرە دە الماعاندىعىن جەتكىزگەن. 20 جاسىندا ماريا ءوز ەموسياسىن شاپالاق ارقىلى جەتكىزگەن ەكەن.
ساندىق ىشىنەن تابىلعان قىزدى ينتەرناتتاعىلار «ساندىق قىزى» دەپ اتاپ كەتكەن، پسيحونيەۆرولوگيالىق ينتەرناتقا 27 جاسىندا تۇسكەن ول، ءالى كۇنگە دەيىن سوندا ءومىر سۇرەدى.
