قىس. بۇل مەزگىل اق ۇلپا قارىمەن، كەيدە قىتىمىر  سارى ايازعا توڭدىرىپ  ابىگەرگە سالعان ساتتەرىمەن بارشامىزدىڭ ەسىمىزدە قالاتىنى ءسوزسىز. دەگەنمەن قاقاعان قاڭتار مەن اقىرعان اقپاننىڭ ايازىنان كەيىن، جەر بەتىنە جايما شۋاق جىلىلىعىمەن كوكتەي جايناپ كوكتەم كەلەتىنى بەلگىلى. مىنە، وسى ءبىر ادامزاتقا قۋانىشىن ارقالاپ كەلەتىن كوكتەمنىڭ العاشقى كۇنى، قىس مەزگىلىن شىعارىپ سالۋ ءۇشىن، قوستاناي قالاسىنىڭ ورتالىعىندا ورنالاسقان «Dala hall» رەستورانىندا ۇمىتىلماس مەرەكەلىك قايىرىمدىلىق ءىس-شارا ءوتتى.

ول ءبىلىم وشاعىنىڭ قارا شاڭىراعى سالاتىن، ەلىمىزدە ون ۇزدىك جوعارى وقۋ ورىندارىنىڭ قاتارىنا كىرەتىن احمەت بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتى مەن قازاقستان رەسپۋبليكاسى ىشكى ىستەر مينيسترلىگى شىراقبەك قابىلبايەۆ اتىنداعى قوستاناي اكادەمياسىنىڭ بىرلەسىپ ۇيىمداستىرعان «قىسقى ەرتەگىگە ساياحات» اتتى ستۋدەنتتەر مەن كۋرسانتتاردىڭ قىسقى بال مەرەكەلىك كينوفەستيۆالى ەدى.

قىسقى بال وسىمەن قاتارىنان 6 جىل وبلىسىمىزداعى اۋىر دەرتكە شالدىققا بۇلدىرشىندەرگە قول ءۇشىن بەرۋ ءۇشىن، قايىرىمدىلىق تۇرىندە ۇيىمداستىرىلىپ كەلەدى.

اتالمىش جوبانىڭ اۆتورى ا. بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ قىزمەتكەرى، قوستاناي وبلىسىنا بەلگىلى ۇيىمداستىرۋشى، شوۋمەن بولات نازمىش ۇلى قالييەۆ. جاستا بولسا قولىنان ءىس كەلەتىن بولاتتىڭ ەڭبەگى قازىرگى قوعامداعى جاستارعا ايتارلىقتاي ۇلگىلى بولارى ءسوزسىز. قايىرىمدىلىق شارا دەپ وتىرعان سەبەبىم، وسى ءىس شارادان تۇسكەن قاراجات وبلىسىمىزداعى قارجىعا مۇقتاج، ءومىر تالكەگىنە ۇشىراپ، جان بالاسىنا قارجى تابا الماي وتىرعان وتباسىعا ارنايى تۇردە تابىس ەتىلەدى.

مىنە، بيىلعى ۇيىمداستىرىلىپ وتىرعان قىسقى بالدىڭ ءوز ەرەكشەلىگى بار. ويتكەنى بيىلعى شارانىڭ اۋقىمىن كەڭەيتۋ ءۇشىن ءبىزدىڭ وقۋ ورنىمىزدىڭ كۋرسانتتارىن ارنايى شاقىرتىپ، كوپشىلىككە ۇلگى رەتىندە «اسكەري ۆالس» ءبيىن ۇسىندى. جانە دە بيىلعى شارا قازاقستان رەسپۋبليكاسى قارۋلى كۇشتەرى مەن پوليسيانىڭ 25 جىلدىعىنا ارنالدى. 

سالتاناتتى كەشكە قوستاناي وبلىسى اكىمدىگىنىڭ مادەنيەت باسقارماسىنىڭ باستىعى ەرلان قالماقوۆ، قوستاناي وبلىسى اكىمدىگىنىڭ جاستار ساياساتى ماسەلەلەرى جونىندەگى باسقارماسىنىڭ جەتەكشىسى كەنەش ءالىمجانوۆ، اكادەميا باستىعى پوليسيا پولكوۆنيگى ميرلان قىزىلوۆ جانە ۋنيۆەرسيتەتتىڭ پرورەكتورى جەڭىس جارىلعاسوۆ جانە قازىلار القاسىنىڭ قۇرمەتتى قوناقتارى قاتىستى.

قىسقى بالعا ارنايى قۇرمەتپەن شاقىرىلعان اكادەميا باستىعى پوليسيا پولكوۆنيگى ميرلان احمەديا ۇلى قىزىلوۆ قىسقى بالدىڭ سالتاناتتى اشىلۋىندا ءوز قۇتتىقتاۋ ءسوزىن تومەندەگىدەي قۋانىشتى سەزىممەن  جەتكىزدى؛

• مۇنداي جاستاردىڭ ماڭداي تەرىمەن دايىندالعان اۋقىمدى ءىس شارا ارينە، ءبارىمىزدى بەي-جاي قالتىرمايتىنى ءسوزسىز. قوعامداعى جاستاردىڭ بۇگىنگى قايىرىمدىلىق ناۋقانىن ۇيىمداستىرىپ وتىرعانىنا ءوز باسىم ريزاشىلىعىمدى بىلدىرەمىن. قانداي كەرەمەت جۇپتارى جاراسقان جاستار، كيىم ۇلگىلەرى قۇتتى ەرتەگىدەگى حانشايىمدار مەن حانزادالاردىڭ كلاسيكالىق كيىمدەرى ءتارىزدى. سىزدەردىڭ ۇيىمداستىرىپ وتىرعان كەشتەرىڭىزدى كورىپ، ەرتەگى الەمىنە ساياحات شەككەندەي اسەردەمىن. اتىنىڭ ءوزى ايتىپ تۇرعانداي ءبارى تاڭعاجايىپ. بۇل ءىس شارانى ءوزىمىزدىڭ وقۋ ورنىمىز اكادەميا قابىرعاسىندا دا جالعاسىن تاباتىنىنا سەنىمدىمىن، – دەدى.

ساحىنا تورىنە نىساندىق كيىم ۇلگىسىندە اق كۇرتە، قارا شالبار كيگەن كۋرسانتتار مەن قىزىل ءتۇستى كەشكى كويلەك كيگەن ۋنيۆەرسيتەتتىڭ ستۋدەنتتەرى بىرىگىپ، «اسكەري ۆالس» ءبيىن بيلەپ، كورەرمەندەردىڭ ىستىق ىقىلاسىنا بولەندى.  ءتىپتى كەۋدەلەرىندە پاتريوتتىق سەزىم وتى ويانعان جاستار بي اياقتالىسىمەن ۇزاق ۋاقىت ىستىق ىقىلاسپەن قول شاپالاقتاپ، جۇپتارى جاراسقان قىز – جىگىتتەرگە  قوشەمەتتەرىن ايامادى.

قىسقى بال ءارى قاراي ۋنيۆەرسيتەتتىڭ 7 فاكۋلتەتى دايىنداعان كينوفەستيۆالگە جالعاستى. كينوفەستيۆال دەپ وتىرعان سەبەبى، الەمگە ايگىلى كينولاردىڭ مۋزىكاسىنا ستۋدەنتتەر بيلەپ، ونەر كورسەتەدى. ءبيدىڭ باسى قازاقتىڭ «اناعا اپارار جول» كوركەم ءفيلمىنىڭ مۋزىكاسىنا بيلەۋدەن باستالىپ، الەمگە بەلگىلى «گاري پوتتەر» ءفيلمىنىڭ مۋزىكاسىمەن سۇيەمەلەۋدەن اياقتالدى.

ءۇش ساعاتقا سوزىلعان كونسەرتتىك باعدارلاماعا 500-دەن استام ستۋدەنتتەر جانە شاقىرىلعان قۇرمەتتى قوناقتار قاتىستى.

كەش وتە اسەرلى بولعانى سونداي ءبىزدىڭ كۋرسانتتار وتە تاماشا سەزىممەن ورالىپ، ۋنيۆەرسيتەت ۇجىمىنا العىستارىن ايتۋدى دا ۇمىت قالدىرمادى.