بەردىبەك ساپاربايەۆ حالىق اراسىندا قاراپايىمدىلىعىمەن تانىلىپ جۇرگەن ازامات. ونىڭ تۇرمىس جاعدايى تومەن وتباسىعا پاتەر بەرگەنىن ب ا ق جارىسا جازعان ەدى. اقتوبە وبلىسىنىڭ اكىمى بەردىبەك ساپاربايەۆ وسى جولى تاعى دا كوزگە ءتۇستى دەپ جازادى qamshy.kz. 

اقتوبە وبلىسىنىڭ اكىمى بەردىبەك ساپاربايەۆ كوپ شەنەۋنىك مەنسىنە بەرمەيتىن اسحانادان 120 تەڭگەنىڭ كوتلەتى جانە 80 تەڭگەنىڭ كارتوپ ەزبەسىمەن تۇستەنەدى، دەپ جازدى «ءتىلشى».

وبلىس اكىمدىگى عيماراتىنداعى جەرگىلىكتى بيلىك ورگانى قىزمەتكەرلەرى ءۇشىن جۇمىس ىستەيتىن اسحانادا سالات باعاسى – 80-85 تەڭگە. وليۆە ءۇشىن 130 تەڭگە سۇرايدى. بورشش، لاعمان، لاپشا سەكىلدى سۇيىق تاعامداردىڭ جارتى پورسياسى – 250 تەڭگە.

كارتوپ ەزبەسى – 80 تەڭگە، سۋعا پىسىرىلگەن كۇرىش – 60 تەڭگە. مانتى، پالاۋ، قۋىرداق، سايكەسىنشە، 270، 360، 400 تەڭگە. ءسۇتسىز شاي 30 تەڭگە، ءسۇت قاتقانى — 50 تەڭگە. ءتاتتى بولكە 30 تەڭگەدەن.

اكىمدىك قىزمەتكەرلەرىنىڭ دەنى اتالعان اسحانادا كوپ كورىنە بەرمەيدى. اسىرەسە، باسقارما باسشىلارى مەن ولاردىڭ ورىنباسارلارى اكىمدىكتىڭ اسحاناسىنا ەشۋاقىتتا كىرمەيدى ەكەن.

ەسەسىنە، اكىمدىك قىزمەتكەرلەرىنىڭ ايتۋىنشا، وبلىس باسشىسى بەردىبەك ساپاربايەۆتىڭ ءوزى ءتۇس مەزگىلىندە ۇيىنە بارماعان جاعدايدا اس ءمازىرىن اسحانادان الدىرتادى ەكەن.

«بىردە اكىمگە دەپ پودنوسپەن كارتوپ ەزبەسى، كوتلەت، كومپوت اپارا جاتقانىن ءوز كوزىمىزبەن كوردىك»، - دەيدى اكىمدىك قىزمەتكەرلەرى.