ق ر ءبىلىم جانە عىلىم ءمينيسترى ەرلان ساعادييەۆ وتستاۆكاعا كەتۋىن تالاپ ەتكەن ءبىرقاتار قوعام قايراتكەرلەرىنىڭ سوزىنە جاۋاپ بەردى، دەپ xابارلايدى قازاقپارات. "ول كىسىلەردىڭ مۇنداي مالىمدەمەلەرىمەن تانىس ەمەسپىن. ونداي سوزدەر ايتىلعان بولسا، مەن ءوزىمنىڭ جاۋابىمدى بەرەتىن دە شىعارمىن. ءبىراق ولار مۇنداي ماسەلەنى كوتەرە الاتىن ادامدار قاتارىنان ەمەس دەپ سانايمىن"، - دەدى مينيستر ۇكىمەتتە وتكەن باسپا ءسوز ءماسليxاتىندا. مينيستر سونىمەن قاتار دەپۋتات بەكبولات تىلەۋxاننىڭ اقپارات قۇرالدارى الدىندا "جەكپە-جەك" وتكىزۋ تۋرالى ۇسىنىسىنا دا پىكىر ءبىلدىردى. "بەكبولات تىلەۋxان ب ا ق الدىندا پىكىر جارىستىرۋدى ۇسىندى. مەنىڭشە، بۇل دۇرىس ەمەس. ءبىز ونى وقۋلىق جونىندەگى كوميسسياعا شاقىرعان ەدىك. بۇگىن مەن ماجىلىسكە قوڭىراۋ شالدىم. وندا 11 دەپۋتات جازىلعان، سولاردىڭ قاتارىندا بەكبولات تىلەۋxان دا بار. سول كوميسسيانىڭ جۇمىسىنا اتسالىسسىن، جۇمىسىن كورسەتسىن. مەن ونىمەن باسپاسوزدە پىكىرتالاسۋعا دايىنمىن، ءبىراق ول ۇكىمەتتىڭ جۇمىسى ەمەس"، - دەدى ە. ساعادييەۆ. ەسكە سالا كەتەيىك، تانىمال قوعام قايراتكەرلەرى مۇحتار تايجان مەن ايدوس سارىم ق ر ءبىلىم جانە عىلىم ءمينيسترى ەرلان ساعادييەۆكە ورنىن بوساتۋدى ۇسىنعان بولاتىن. ولار ەلىمىزدىڭ باس پەداگوگى قازاق xالقىنا جانە قازاق تىلىنە قارسى شىقتى دەپ ايىپتاعان بولاتىن.