شىمكەنت قالاسىنىڭ اكىمى اۆتوكولىك يەلەرىنىڭ جاعدايىن جاساپ ەندى الەك بولمايمىز دەدى دەپ حابارلايدى «قامشى» پورتالى. جەرگىلىكتى «وتىراردىڭ» ورىس تىلدەگى اقپاراتىنا سۇيەنسەك، عابيدۋللا ءابدىراحىموۆ مىرزا مەردىگەرلەرمەن بولعان جينالىستا كولىك كەپتەلىسى ماسەلەسىن قوزعاپتى. بايتۇرسىنوۆ كوشەسى شىمكەنتتىڭ ەڭ كوپ ماشينا جۇرەتىن كوشەسى ەكەن. سوعان قاراماستان شىمكەنتتىڭ اكىمى اتالمىش كوشەنى كەڭەيتۋدەن باس تارتتى.
«بايتۇرسىنوۆ كوشەسىندەگى كەپتەلىستە تۇرۋدى ۇناتپاعان جۇرگىزۋشىلەر ءۇشىن ءبىز اعاشتاردى كەسىپ، ماشينا جۇرەتىن جەردى كەڭەيتپەيمىز. قاجەت بولسا، ۇيىنەن جارتى ساعات بۇرىن شىقسىن دا جاياۋ ءجۇرسىن نە قوعامدىق كولىككە، ۆەلوسيپەدكە وتىرسىن. كەپتەلىستەن جۇيكەسى جۇقارسا، جاياۋ ءجۇرىپ تازا اۋا تىنىستايدى. تۇراقتايتىن جەر ىزدەمەيدى ءارى جانارمايعا اقشا شىعىندامايدى. قالا مەن اۋىلدىڭ ايىرماشىلىعى نەدە؟ ەستەتيكاسىندا ياكي سىرتقى سۇلۋلىعىندا. ءبىز جاياۋ جۇرگىنشىلەردىڭ جولىن ادەمىلەپ، قالانى اباتتاندارىپ، ونىڭ ساۋلەتىمەن اينالىسۋىمىز شارت. بەكەردەن بەكەر جولدى كەڭەيتە بەرمەي...» دەدى قالا اكىمى عابيدۋللا ءابدىراحىموۆ.
