33 جاستاعى قاراعاندى تۇرعىنى ءوز اناسىن ءولتىرىپ، سودان كەيىن بەسىنشى قاباتتان سەكىرىپ قازا بولدى، دەپ حابارلادى Baq.kz اگەنتتىگىنىڭ قاراعاندىداعى ءتىلشىسى.

وقيعا 8 ناۋرىز مەرەكەسى كۇنى بولعان. ايەل ادامنىڭ شىڭعىرعان داۋسىن ەستىگەن كورشىلەرى پوليسياعا حابارلاعان. ولاردىڭ ايتۋى بويىنشا، قۇقىق قورعاۋ قىزمەتكەرلەرى وقيعا ورنىنا تەز جەتكەن. الايدا، پوليسيا قىزمەتكەرلەرىنە ەشكىم ەسىك اشپاعان. سول ۋاقىتتا اناسىن ولتىرگەن جىگىت بالكوننان سەكىرىپ كەتكەن.
قاراعاندى وبلىستىق دەنساۋلىق ساقتاۋ باسقارماسىنىڭ حابارلاۋىنشا، ەر ادام اۋرۋحاناعا جەتكىزىلگەنگە دەيىن قايتىس بولعان.

«وندا جوعارىدان قۇلاعان ادامعا ءتان جاراقاتتار بولدى. اۋرۋحاناعا اپارا جاتقان جولدا ەر ادام كوز جۇمدى»، - دەدى قاراعاندى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى ايجان يسا.

«ادام ءولتىرۋ فاكتىسى بويىنشا سوتقا دەيىنگى تەرگەۋ ءىسى جۇرگىزىلىپ جاتىر، ءبىرقاتار ساراپتاما تاعايىندالدى ق ر 99-بابى «ادام ءولتىرۋ» بويىنشا قىلمىستىق ءىس قوزعالدى»، - دەيدى قاراعاندى وبلىسى ءىىد باسپا ءسوز حاتشىسى باقىتجان قۇدياروۆ.

جىبەك مۇقاشيەۆا