ديماش قۇدايبەرگەننىڭ پروديۋسەرى، PR مەن مەديا مەنەدجەرى الپامىس شاريموۆ ينستاگرام پاراقشاسىندا قۋانىشى قوينىنا سىيماي جۇڭگو فاناتتارىنىڭ ديماشقا جاساعان توسىنسىيى جايلى جازىپتى دەپ حابارلايدى «قامشى» پورتالى. «ديماشتىڭ جانكۇيەرلەرى كۇننەن-كۇنگە تاڭقالدىرۋلارىن قويمايدى. راسىمەن، ماقتانعا سالىنبايىقشى دەپ كوپ توسىنسىيلاردى جاريالاي بەرمەيمىز. ءبىراق، بۇگىنگىسى ەرەكشە! جۇڭگو فاناتتارى ارنايى قازاقستاندى زەرتتەپ، ۆيزا اشىپ، ەلىمىزگە بارىپتى. ديماشتىڭ قارنى اشىپ قالماسىن دەپ قازاق ۇلتتىق تاعامدارىن دايىنداپ، بۇگىنگى تۇسكى استا ءبىزدى تاڭقالدىردى. قازى-قارتا، تارى-تالقان، قۇرت-ماي، جەمىس-جيدەك ءبارى بار! جىراقتا جۇرگەن جان ءۇشىن بۇل تاعامداردىڭ ورنى ەرەكشە ەكەنى ءسوزسىز! قوراپ-قوراپ سىيلىق. ءالى اشىپ تا ۇلگەرمەي جاتىرمىز! بارلىعى انشىسىنە دەگەن نيەتى عوي جانكۇيەرلەردىڭ. 
جالپى، ديماشقا ارنالعان فان-توپتار كوپ. بۇل #DimashSisters ياعني "ديماشتىڭ قارىنداستارى" اتتى فان توپتىڭ سىيلىعى. قيالدارىندا شەك جوق قوي شىركىن!؟ قانداي كەرەمەت!.. ديماشتىڭ اتىنان بارشا #DimashSister فان توبىنىڭ قىزدارىنا العىس بىلدىرەمىن! بۇگىن ءبىز راسىمەن دە اۋىلعا بارىپ قايتقانداي بولدىق!!! راxمەت، Dears!» دەپ اعىنان جارىلدى الپامىس.