وندى اۋىلىنىڭ مادەنيەت ۇيىندە ماڭعىستاۋ اۋداندىق ارداگەرلەر كەڭەسىنىڭ ءتوراعاسى امانقوس ەرتىلەۋوۆ، اۋدان اقساقالدارىنىڭ القا مۇشەلەرى، شايمىرزا بايپاقوۆ، نۇرسۇلتان ماشرۋپوۆ باستاعان اقساقالدار كەلىپ، «ساداقا وتكىزۋدىڭ ماڭعىستاۋلىق ورتاق ادەبى» اتتى جيىن وتكىزدى. 
اۋىلدىقتار، «ساداقا داستارxانىنان تورتتار مەن سالاتتاردى، اپەلسين، بانان، المالاردى الامىز، ساداقاعا پاكەت اكەلۋدى توقتاتامىز» دەپ ورتاق ءپاتۋاعا كەلدى.
جيىندا سونىمەن بىرگە، «وندى اۋىلىن اراقسىز اۋىل جاسايىق» دەگەن باستاما كوتەرىلدى. 
«قاسيەتتى رامازان ايىنان باستاپ وندى اۋىلىندا اراق ساتپايىق، داستارxانعا اراقتى قويمايىق، اۋىلعا اراقتى كىرگىزبەيىك» دەگەن ۇسىنىستار ايتىلدى. 
اللا قالاسا كيەلى وندى اۋىلى ماڭعىستاۋدا العاش رەت اراقسىز اۋىل اتاناتىن كۇندە الىس ەمەس. 
وندىلىقتار، شەتپە اقساقالدارىنا العىسىن ءبىلدىردى.

جانىبەك قوجىقتىڭ فەيسبۋك پاراقشاسىنان