«ناشار يارماركا» گازەتىنىڭ «مەنى كۇتكەيسىڭ» ايدارىنا ءبىر جاس جىگىت قوڭىراۋ شالىپ، ۇناتىپ قالعان قىزعا ىزدەۋ سالعىسى كەلگەنىن ايتتى دەپ حابارلايدى «قامشى» پورتالى.

ەڭ قىزىعى، جىگىت پەن قىز تانىس ەمەس. ەكەۋى ۇدايى ءبىر قوعامدىق كولىكتە كەزدەسە بەرگەن. اۆتوبۋسقا مىنگەن سايىن كوزىنە ەرەكشە تۇسكەن جىگىت سول قىزدى ۇناتىپ قالعان. الايدا تانىسۋعا باتىلى بارماعان. ءتىپتى قىز تۇسەتىن ايالدامادان ءتۇسىپ، ونىڭ وقۋ ورنىن ءبىلىپ العان. دەكاناتقا دا بارعان. دەگەنمەن قىزدىڭ ءاتى-جونىن بىلمەگەندىكتەن ونى ول جەردەن قۋىپ شىققان. بىرنەشە كۇن بويى قوعامدىق كولىككە وتىرماعان قىزدى جىگىت ۋايىمداپ وتىر. ءوزى بىلاي دەيدى:

— ماعان سول قىزدى تابۋعا كومەكتەسىڭىزدەرشى. كوپ تۇكىرسە كول دەيدى عوي. ول ۇنەمى تەرەزەنىڭ الدىندا تۇىك تۇراتىن، وتىرمايتىن. كەۋك-تە وقيدى. اۆتوبۋستا كورىسپەگەننەن كەيىن اۋىرىپ قالدى ما الدە باسقا دا ماسەلەلەرى بار ما سارى ۋايىمعا سالىنىپ وتىرمىن. سۇيكىمدى قىز، ەگەر سەن وسى حاتتى وقىپ وتىرساڭ، شوشىما، مەن مانياك ەمەسپىن، ءتۇرلى-تۇستى مويىنوراعىش وراپ الاتىن جىگىتپىن! سەنى ساعىندىم، كورگىم كەلەدى. دوس بولايىقشى! مەنىڭ بايلانىس دەرەكتەرىم رەداكسيادا بار.