قازاق ايەلدەرى ەجەلدەن اۋرەتتى جەرىن اشۋ بىلاي تۇرسىن، ەر ادامعا شاشىن دا كورسەتپەگەن. بۇل سان عاسىرلار بويىنا ۇلت بويىندا قالىپتاسقان تالىم-تاربيەنىڭ جەمىسى. الايدا ورىس سۋرەتشى نيكولاي حلۋدوۆتىڭ كارتيناسىندا ءبارى كەرسىنشە سۋرەتتەلەدى. ونىڭ تۋىندىلارى الەۋمەتتىك جەلى قولدانۋشىلارىنىڭ اشۋىن تۋعىزىپ وتىر.

سۋرەتتەر 19 عاسىرداعى قازاق قوعامىن بەينەلەيدى. ناقتى ايتقاندا قازاق ايەلدەرىنىڭ جارتىلاي جالاڭاش سۋرەتتەرى سالىنعان. «قامشى» پورتالى ورىس سۋرەتشىسىنىڭ تۋىندىلارىن نازارلارىڭىزعا ۇسىنادى.

جەلى قولدانۋشىلارى بۇل سۋرەتتەر قازاق حالقىنىڭ نامىسىنا ءتيىپ، ماسقارالاۋ ماقساتىندا سالىنعان دەگەن پىكىر بىلدىرۋدە. ال ونەرتانۋشى ۆالەريا يبرايەۆا بولسا، داۋلى كارتينالاردى شىندىققا جاناسادى دەپ وتىر. ونىڭ پايىمداۋىنشا، حلۋدوۆ كورگەنىن سالعان. ياعني وزدىگىنەن ەشتەڭە ويلاپ تاپاعان-مىس.