ادەتتە الەۋمەتتىك جەلىدە اسا وتكىر ماسەلەلەر تالقىلانىپ جاتادى. اقپارات قۇرالدارىنىڭ دەرەككوز رەتىندە الەۋمەتتىك جەلىدەگى ماسەلەلەردى تاراتاتىنى راس. «قامشى» پورتالى قازاقستان ارناسىنىڭ بەلدى تىلشىلەرىنىڭ ءبىرى اينۇر ومار الەۋمەتتىك جەلىدە كوتەرگەن وتكىر ماسەلەنى وقىرمان نازارىنا ۇسىنۋدى ءجون سانادى.
«جۋرناليست بولعاننان كەيىن ءتۇرلى جەرگە بارامىز عوي. كەيدە تۇسىرگەن ەڭبەگىڭە تاتىمايتىن سەمكالار بولادى. 3-4 ادام باس قوسىپ ناقتى ناتيجەسى جوق، دەرەگى از بولماشى تاقىرىپتى ءسوز ەتەدى. 30 بۋكلەت شىعارىپ، 20 فۋتبولكا تاراتادى (لوگوتيپپەن) قازاقشا ايتقاندا ەكى جەردەن ماي، ەكى جەردەن قانت قويىپ، وتكىزىلۋى ءتيىس شاراسىن وتكىزىپ شىعادى. مەملەكەتتىك تاپسىرىس بولعان سوڭ مەملەكەتتىك ب ا ق تا ەرىكسىز بارادى ول جەرگە. وسكەندە ءبىلدىم عوي، مۇنداي شارانىڭ ارتىندا ميلليونداردىڭ اينالىپ جاتقانىن.
بىلتىر ەلدە ءدىن ىستەرى جانە ازاماتتىق قوعام مينيسترلىگى قۇرىلدى. ەندى بيلىك ەلدەگى ازاماتتىق قوعامدى دامىتۋ ءۇشىن ۇكىمەتتىك ەمەس ۇيىمداردى (نپو) قارجىلاندىرۋدى كۇشەيتپەكشى. ونى قۇپ كورەمىز. ال بولىنگەن قارجى «ازاماتتىق باستامالاردى قولداۋ ورتالىعى» ارقىلى بەرىلەدى. ورتالىقتىڭ باسشىسى كۆن-چيك نۇرلان وتەشيەۆ. بىلتىر وسى ورتالىق 200 ملن تەڭگە تاراتسا، بيىل ۇكىمەتتىك ەمەس ۇيىمدارعا 600 ملن تەڭگە ۇلەستىردى. 600 ميلليون!!!!
ءبىزدىڭ كاسىبي جۋرناليستەر بىرلەستىگى دە وسى ورتالىق ۇيىمداستىرعان كونكۋرسقا قۇجات تاپسىرعان. «ازاماتتىق سەكتور قىزمەتىن جاريالاۋدا بۇقارالىق اقپارات قۇرالدارىنىڭ الەۋەتىن ارتتىرۋ». تاپ ءبىزدىڭ لوت بويىنشا كونكۋرس وتپەي قالدى. سەبەبى تۇسىنىكسىز. وتەشيەۆتىڭ ورتالىعىنا حابارلاسساڭ ەشكىم دۇرىس جاۋاپ بەرمەيدى. بارساڭ ، كىرۋ مۇمكىن ەمەس. شۇبارداعى جەكە مەنشىك ءۇي سياقتى ءبىر كەڭەسدە وتىرادى. تەمىر قاقپاسى بار. ۇنەمى جابىق تۇرادى. ەسىكتى قاعاسىڭ، كۇتەسىڭ، ايقايلايسىڭ. يتشىلەپ ارەڭ كىرگەندە ىشتەگى قىزمەتكەرلەرى سەنى قايىر سۇراپ بارعانداي قارسى الدى.
مەملەكەتتىڭ اقشاسىن، قازىنادان بولىنگەن قاراجاتتى، ءسىز بەن ءبىزدىڭ سالىقتان جيناعان اقشانى ءوز قالتالارىنان ۇلەستىرىپ وتىرعانداي. يدەولوگيامەن اينالىسپايدى دەپ مەملەكەتتى ايىپتاعىڭ كەلمەيدى، ەكونوميكالىق جاعدايىمىز تۇرالاپ جاتسا دا، «الاش» قوزعالىسىنىڭ 100 جىلدىعىنا اقشاسىن ءبولىپ جاتىر. «الاش» ۇلتتىق قوزعالىسىنىڭ قۇرىلۋ ساتىنەن باستاپ، 100 جىل تولۋ قۇرمەتىنە، سونداي-اق ساياسي قۋعىن-سۇرگىن قۇرباندارىن ەسكە الۋعا ارنالعان اقپاراتتىق، ءبىلىم بەرۋ قىزمەتىن ۇيىمداستىرۋ" كونكۋرسىن «سوگلاسيە نارودوۆ» قوعامدىق بىرلەستىگى" ۇتىپ الىپتى. 5 ميلليون تەڭگە.
ال «بالالار مەن جاستارعا پاتريوتتىق تاربيە بەرۋ جانە مادەنيەتىن قالىپستاستىرۋ دەگەن باعىت بويىنشا «قازاقستاننىڭ سكاۋتتىق قوزعالىسى» ۇتىپ العان. 10 ميلليون تەڭگە!!! قازاقستاندىق پاتريوتيزم جانە سكاۋتتار. وسى ەكى ۇيىم بويىنشا ءبىراز اقپارات ىزدەدىم. ماردىمدى ەشتەڭە تاپپادىم. مۇمكىن سىزدەر بىلەسىزدەر؟ مۇمكىن ولار دا اقتالاتىن شىعار، باسقا ۇيىم قاتىسپادى، باسەكە بولمادى، قاتىسقاندار تالاپقا ساي بولمادى دەپ. وزگەلەر ءۇشىن ەشتەڭە ايتپايمىز، ءبىراق 100 دەن استام مۇشەسى بار، جۇمىس ىستەيمىن دەگەن ناقتى جوسپارى، كونسەپسياسى بار ءبىزدىڭ ۇيىم نەگە شەت قالدى؟ ونىڭ گرانتى كىمگە بۇيىرادى؟ ازاماتتىق قوعامنىڭ العىشارتى اشىقتىق بولسا كەرەك! ءدىن ىستەرى اگەنتتىگىنەن دە، وتەشيەۆتىڭ ۇيىمىنان دا اشىقتىقتى تالاپ ەتەمىز. كونكۋرسقا تۇسكەن بارلىق ۇيىمداردى جاريالاسىن، جەڭگەنىن دە جەڭىلگەنىن دە. دالادا جاتقان 600 ميلليون تەڭگە جوق.»
