«قازاقستان» قوناق ءۇي، «Grand ballroom» مەيرامحاناسىندا حالقارالىق دارەجەدەگى  بيزنەس-ترەنەر، وراتور، موتيۆاتور امانجول رىسمەندييەۆتىڭ كاسىپكەرلىكتىڭ قىر-سىرى مەن بيزنەستىڭ شەبەرلىگى تۋرالى «ورلەۋ» سەمينار-شوۋى ۇيىمداستىرىلدى.

سەمينار-شوۋعا قازاقستاننىڭ ءار ايماعىنان 500-گە تارتا قاتىسۋشىلار كەلىپ، بيزنەس تۋرالى تىڭ اقپاراتتارمەن تولىققاندى قامتىلىپ قايتتى.

سەمينار-شوۋعا ارنايى، قۇرمەتتى قوناقتاردىڭ قاتارىندا قازاقستانعا بەلگىلى اكتەر بەكجان تۇرىس، ۇلتتىق سارىندا ءان شىرقاپ جۇرگەن ءانشى، ونەرتانۋشى ەرلان تولەۋتاي ت،ب. قاتىستى.

سەمينار-شوۋ تاڭعى ساعات 9 دا تىركەۋدە ىرىكتەلىپ، كەشكى ساعات 7 دە جابىلۋ سالتاناتىمەن شىمىلدىعىن جاپتى. سەمينار تەك ساباق تۇرىندە جۇرگىزىلىپ قانا قويماي، قازاقستاننىڭ بەلگىلى جۇلدىزدارى «الاش ۇلى» توبى، «قۇرمانعازى» وركەسترى ءان مەن كۇيدەن شاشۋ شاشتى. قوماقتى ۇتىس ويىندارى ويناتىلىپ، ۇتىسقا قويىلعان «Hyundai Accent» اۆتوكولىگىنىڭ كىلتى قازاقستاننىڭ وڭتۇستىك ايماعىنان كەلگەن جىگىتتىڭ قانجىعاسىنا بايلاندى. سونىمەن قاتار، ۇتىسقا تىگىلگەن (I phone S6، نوۋتبۋك، I pad، ت.ب.) باعالى سىيلىقتار ويناتىلىپ، ۇتىس يەلەرىنە تابىستالدى.

بۇل جوبا ەلىمىزدەگى كاسىپتى جاڭادان باستاپ جاتقان، باستاعان بيزنەسىن دامىتۋعا نيەتتەنگەن ءار قازاقتىڭ كاسىپتەگى جولىن اشۋعا كومەك بەرەتىن تىڭ باستاما. سەمينار-شوۋ ءالى دە ترەنينگ، كوۋچينگ تۇرىندە ءوز جالعاسىن تاپپاق.

امانجول رىسمەندييەۆتىڭ بۇدان دا باسقا سەمينار-ترەنينگتەرىنە قاتىسىپ، ءوز بيزنەسىن دوڭگەلەتىپ كەتكەندەر كوپ. بيزنەس تە تەحنيكا سياقتى، باسقارا بىلۋمەن قاتار، بىلىكتىلكتى، بىلىمدىلىكتى تالاپ ەتەدى. ەلىمىز ەڭسەسىن تىكتەپ، دامىعان ەلدەردىڭ قاتارىنان بوي تۇزەۋ ءۇشىن ەل ەكونوميكاسىنا ءار ادام تامشىداي بولسا دا ءوز ۇلەسىن قوسۋى، كاسىپپەن اينالىسىپ مەملەكەتكە يەك ارتپاي، ءوزىن-وزى قامتاماسىز ەتۋى ءتيىس.

EST كورپاراسياسىنىڭ مەنەدجەرى:  ءابدىباقىت گۇلدەن