بۇل تۋرالى توقتار سەرىكوۆ ايگەرىم سەيفوللامەن «سىرلاسۋ» باعدارلاماسىندا سۇحباتتاسۋ بارىسىندا ايتقان، دەپ حابارلايدى qamshy.kz.

«مەن قازاق قىزدارىنىڭ ءبارىن قىزعانامىن. وتكەندە قازاقتىڭ قىزدارى قىتايعا تيەيىن دەپ جاتىر دەپ ينستاگرامدى شۋلاتتى. مەن ءبىر كىسىدەي، جىن سوققانداي اۋىردىم. مەن قىزعاندىم. كادىمگى ءوز ايەلىمدى، ۇيدەگى قىزىمدى، تۋعان قارىنداسىمدى الىپ كەتەتىن سياقتى قىزعاندىم. جىلاعىم كەلدى»، – دەپ جان جاراسىن ايتتى ءانشى.

 «مەنىڭ قارىنداستارىم ونسىز دا سانالى، اتتارىن ايتپاي-اق قويايىن، قازاقتىڭ مەن دەگەن قىزدارى، ولار بىزدەن دە نامىسقوي. قازاقتىڭ قىزدارى جىگىتتەردەن دە نامىستى. نامىس سونداي بولىپ تۇر، ولاردىڭ ءتيۋى مۇمكىن ەمەس، ولار مەنسىنبەيدى دە. قىتايعا تيەتىندەر كىمدەر؟ جەزوكشە قىزدار تيەدى، ابدەن بولعان، ار-نامىسى، تەگى جوق، قانى جوق، قازاققا ءتۇرى عانا ۇقسايتىن بىرەۋلەر ءتيۋى مۇمكىن. ولار تيسە تيە بەرسىن، قايعىرمايمىن. ال ناعىز مەنىڭ قارىنداستارىمنىڭ ءتيۋى مۇمكىن ەمەس. باي كوكەلەردى مەنسىنبەي جۇرگەندەر تيمەيدى. ولار ناعىز ءوز ماحابباتتارىن ىزدەپ جۇرگەن قازاق قىزدارى. قۇدايعا شۇكىر، تاۋبە. ولاردان ناعىز باتىرلار تۋادى، ەل دەيتىن، جۇرت دەيتىن، تىم قۇرىعاندا ات ۇركيتىن ازاماتتاردى دۇنيەگە اكەلەتىنىنە مەن سەنەمىن»، – دەپ ءسوزىن قورىتىندىلادى.