مەملەكەت باسشىسى نۇرسۇلتان نازاربايەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ءبىلىم بەرۋ جيناقتاۋ جۇيەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا (بۇدان ءارى – زاڭ) قول قويدى دەپ حابارلايدى Qamshy.kz اقپارات اگەنتتىگى.

اتالمىش زاڭ الەۋمەتتىك باعدارى بار ماقساتتى مەملەكەتتىك قارجى قۇرالى رەتىندە مبجج-نى دامىتۋدىڭ زاڭنامالىق نەگىزىن جەتىلدىرۋدى ۇسىنادى جانە مىنا مىندەتتەردى شەشۋگە باعىتتالعان: 

1.     مەملەكەتتەن 7% مولشەرىندە كوتەرمەلەنگەن سىيلىقاقىنى الۋعا قۇقىعى بار جەتىم بالالاردىڭ جانە اتا-اناسىنىڭ قامقورلىعىنسىز قالعان بالالاردىڭ سانىن ارتتىرۋ؛

2.     بارلىق وبلىس ورتالىقتارىندا جانە استانا مەن الماتى قالالارىندا مىندەتتى تۇردە فيليالدارىنىڭ بولۋى تۋرالى تالاپتى الىپ تاستاۋ ارقىلى مبجج-عا قاتىسۋشى بانكتەردىڭ قاتارىن كەڭەيتۋ؛

3.     الدىڭعى كەزەڭدەر ءۇشىن مەملەكەت سىيلىقاقىسىن ەسەپتەۋ، سونداي-اق ارتىق ەسەپتەلگەن مەملەكەت سىيلىقاقىسىن قايتارۋ مۇمكىندىگى؛

4.     سالىمشىنىڭ كەز كەلگەن بورىش تۇرلەرى بويىنشا مەملەكەتتىك ءبىلىم بەرۋ جيناقتاۋ سالىمىنا تۇسكەن مەملەكەت سىيلىقاقىسىن اكسەپتىسىز ەسەپتەن شىعارۋدى شەكتەۋ بولىگىندە نورماتيۆتىك قۇقىقتىق اكتىلەردىڭ نورمالارىن سايكەس كەلتىرۋ   

مبجج حالىق اراسىندا ۇلكەن قىزىعۋشىلىق تۋدىرۋدا. سالىستىرمالى تۇردە العاندا، بۇل قارجى قۇرالىنىڭ جاڭالىق بولىپ تابىلاتىندىعىنا جانە ءبىلىم بەرۋ جيناقتاۋ سالىمدارى تەك 2013 جىلدان عانا اشىلا باستاعاندىعىنا قاراماستان قازىرگى ۋاقىتتا ارەكەت ەتەتىن سالىمداردىڭ سانى 16 مىڭعا جۋىقتاپ، ولاردىڭ جالپى سوماسى 12 ملرد.تەڭگەگە جەتتى.

نارىقتىق ەكونوميكا جاعدايىندا اقىلى ءبىلىم الۋدىڭ جوعارى جانە كاسىپتىك ءبىلىم بەرۋ سالاسىندا الاتىن ۇلەسى زور، ال بۇل وقۋعا قاراجات جيناقتاۋ مادەنيەتىن قالىپتاستىرۋدىڭ ماڭىزدىلىعىن وزەكتەندىرە تۇسەدى.