2017 جىلدىڭ 3 شىلدەسىندە مەملەكەت باسشىسى جول ءجۇرىسى سالاسىنداعى زاڭنامانى ودان ءارى جەتىلدىرۋگە باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. زاڭداعى وزگەرىستەر 11 شىلدەدە مينيسترلىك سايتىندا جاريالاندى دەپ حابارلايدى Qamshy.kz.
زاڭمەن سالىق كودەكسىنە مەملەكەتتىك تىركەۋ نومىرلىك بەلگىلەرىنىڭ تىزبەسىن كەڭەيتۋ بولىگىندە تۇزەتۋلەر ەنگىزىلدى، ولاردى بەرگەنى ءۇشىن: سيفرلىق بەلگىلەنۋى 010، 020، 030، 040، 050، 060، 070، 077، 080، 090، 707–5 700 پايىز؛ سيفرلىق بەلگىلەنۋىمەن بايلانىستى ەمەس ارىپتىك بەلگىلەنۋى بىردەي (اا)، ۆۆۆ (ۆۆ)، سسس (سس)، ZZZ (ZZ) – 5 700 پايىز؛ ارىپتىك بەلگىلەنۋى بىردەي، سيفرلىق بەلگىلەنۋى 001، 002، 003، 004، 005، 006، 007، 008، 009، 777–28 500 پايىز؛ ارىپتىك بەلگىلەنۋى بىردەي، 100، 111، 200، …، 999 مەملەكەتتىك تىركەۋ ءنومىرىن بەرگەنi ءۇشiن – 19 700 پايىز؛ ارىپتىك بەلگىلەنۋى بىردەي، 010، 020، 030، 040، 050، 060، 070، 077، 080، 090، 707 – 11 400 پايىزمەملەكەتتىك باجدىڭ جوعارىلاتىلعان مولشەرلەرى كوزدەلەدى.
قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە: 1) كولىك قۇرالىن الكوگولدىك ماساڭ كۇيدە باسقارعانى ءۇشىن مۇگەدەكتەردى كولiك قۇرالدارىن باسقارۋ قۇقىعىنان 3 جىلعا ايىرۋ تۇرىندەگى اكىمشىلىك جاۋاپكەرشىلىك ەنگىزىلدى (اقبتك 46-بابىنىڭ ءتورتىنشى بولىگى)؛ 2) اقبتك 596-بابىنىڭ ءۇشىنشى بولىگىن ءار ءتۇرلى ءتۇسىندىرۋدى بولدىرماۋ ماقساتىندا، اتالعان نورما قارسى جولاققا شىعۋ تىيىم سالىنعان جەرلەردە قارسى ءجۇرۋ جولاعىنا شىعا وتىرىپ، بۇرىلۋ نەمەسە كەرى بۇرىلۋ ءۇشىن كولiك قۇرالدارىن باسقارۋ قۇقىعىنان ايىرۋ تۇرىندەگى اكىمشىلىك جاۋاپكەرشىلىككە تارتۋ بولىگىندە ناقتىلان اقبتك 596-بابىنىڭ ءۇشىنشى بولىگى)؛ 3) جول بەلگiلەرiمەن نەمەسە جولدىڭ ءجۇرۋ ءبولiگiندەگi تاڭبالارمەن كورسەتiلگەن تالاپتاردى ساقتاماعانى ءۇشىن ايىپپۇل مولشەرى 5-تەن باستاپ 3-كە دەيىن اەك قىسقارتىلدى (اقبتك 601-بابىنىڭ ءبىرىنشى بولىگى)؛ 4) ماساڭ كۇيىن كۋالاندىرۋدان وتۋدەن باس تارتقان ۇشىنجۇرگىزۋشى كۋالىگىنەن ايىرۋ مەرزىمى 2 جىلدان 3 جىلعا دەيىن كوبەيتىلدى(اقبتك 613-بابىنىڭ ءتورتىنشى بولىگى)؛ 5) ىشكى ىستەر ورگاندارىنىڭ، اسكەري پوليسيانىڭ قىزمەتكەرى توقتاتقان جاعدايدا ونىڭ رۇقساتىنسىز جولاۋشى كولىك قۇرالىن تاستاپ كەتكەن ءۇشىن جاۋاپكەرشىلىك الىنىپ تاستالىندى(اقبتك 613-بابىنىڭ ون ەكىنشى بولىگى).
«جول ءجۇرىسى تۋرالى» زاڭدا تۇنگى ۋاقىتتا (ساعات 23-تەن تاڭعى 06 ساعاتقا دەيىن) قالاارالىق، اۋدانارالىق قاتىناستاردا اۆتوبۋستارمەن ۇدايى ەمەس تاسىمالداۋلار ارقىلى جولاۋشىلاردى تاسىمالداۋعا تىيىم سالۋ الىنىپ تاستالىندى. اكىمشىلىك كەدەرگىلەردى تومەندەتۋ ماقساتىندا جۇرگىزۋشى كۋالىگىنىڭ مەرزىمى ءوتىپ كەتكەن جاعدايدا جۇرگىزۋشى كۋالىگىن ايىرباستاۋ كەزىندە جول ءجۇرىسى قاعيدالارىن ءبىلۋىن تەكسەرۋ ءۇشىن ەمتيحان تاپسىرۋ جونىندەگى مىندەتتىلىك الىنىپ تاستالىندى. ىشكى ىستەر ورگاندارىنىڭ قىزمەتكەرى توقتاتقان جاعدايدا ونىڭ رۇقساتىنسىز جولاۋشىنىڭ كولىك قۇرالىن تاستاپ كەتۋىنە تىيىم سالاتىن نورما الىپ تاستالىندى. «D» (اۆتوبۋستار) ساناتىنداعى كولىك قۇرالىن باسقارۋ ءۇشىن اسكەري قىزمەتشىلەردىڭ جاسى 19-دان 18 جاسقا تومەندەتىلدى.
ىشكى ىستەر ورگاندارى قىزمەتكەرلەرىنىڭ ىس-ارەكەتىن تىركەۋ ءۇشىن كولىك قۇرالىن توقتاتقان جاعدايدا جۇرگىزۋشىلەرگە فوتو- جانە بەينەجازبا جۇرگىزۋ قۇقىعى بەرىلدى. كولىك قۇرالىن توقتاتقاننان كەيىن پوليسيانىڭ: دەرەۋ جاقىنداپ كەلۋى، ءوزىن تانىستىرۋى، جۇرگىزۋشىنىڭ تالاپ ەتۋ بويىنشا قىزمەتتىك كۋالىگىن كورسەتۋى، توقتاتۋ سەبەبىن ءتۇسىندىرۋ، راداردىڭ (قولدانىلعان جاعدايدا) دەرەكتەرىن كورسەتۋ مىندەتى بەلگىلەندى. كولىك قۇرالىن توقتاتقان پوليسيا قىزمەتكەرلەرىنىڭ زاڭدى تالابىن ورىنداۋ بويىنشا جۇرگىزۋشىنىڭ مىندەتى بەلگىلەندى. ۋاكىلەتتى ورگاننىڭ لاۋازىمدى تۇلعالارىنا جول ءجۇرىسى سالاسىندا نۇسقامالار شىعارۋ بويىنشا قۇزىرەت بەرىلدى، بۇرىن وسىنداي وكىلەتتىلىك جول ءجۇرىسى قاۋىپسىزدىگىن قامتاماسىز ەتۋ جونىندەگى باس مەملەكەتتىك ينسپەكتورعا عانا بەرىلگەن بولاتىن.
قۇقىقتىق ناقتىلاۋ ماقساتىندا زاڭنىڭ 52-بابىنىڭ ەسكەرتۋىندە كولىك قۇرالىن توقتاتۋ نەگىزدەمەلەرىنىڭ ءبىرى بولىپ تابىلاتىن «ارنايى ءىس-شارالار» ۇعىمىنىڭ مازمۇنى اشىلىپ ەنگىزىلدى(«ارنايى ءىس-شارالار»– قۇقىق قورعاۋ جانە ارناۋلى مەملەكەتتىك ورگاندار جۇرگىزەتىن جەدەل-پروفيلاكتيكالىق، جەدەل-ىزدەستىرۋ، كۇزەت ءىس-شارالارى جانە تەرروريزمگە قارسى وپەراسيالار). كولىك قۇرالىنا اەروگرافيا سالۋ بويىنشا تىيىم سالۋ الىنىپ تاستالدى. «Tm» ساناتىنداعى (ترامۆاي) كولىك قۇرالدارىن باسقارۋ قۇقىعىن الۋ ءۇشىن جاسى تومەندەتىلدى (25 جاستان 21 جاسقا دەيىن) جانە باسقا كولىك قۇرالىن باسقارۋ تاجىريبەسى بار بولۋ قاجەتتىگى تۋرالى تالاپ الىنىپ تاستالىندى.
جاياۋ جۇرگىنشىلەر وتكەلىنەن ۆەلوسيپەدتى ايداپ جۇرۋگە تىيىم سالىندى. ەۆرازيالىق ەكونوميكالىق وداققا مۇشە مەملەكەتتەردىڭ ازاماتتارىنا كاسىپكەرلىك قىزمەت نەمەسە وزگە دە ەڭبەك قىزمەتىن جۇزەگە اسىرعان كەزدە حالىقارالىق نەمەسە شەتەلدىك جۇرگىزۋشى كۋالىگىنىڭ نەگىزىندە كولىك قۇرالىن باسقارۋعا رۇقسات بەرىلدى. 2018 جىلدىڭ 1 قاڭتارىنان باستاپ قولدانىسقا ەنگىزىلەتىن بەرىلگەنى ءۇشىن مەملەكەتتىك باجدىڭ جوعارىلاتىلعان مولشەرلەرىن كوزدەيتىن مەملەكەتتىك تىركەۋ نومىرلىك بەلگىلەرىنىڭ تىزبەسىن كەڭەيتۋگە قاتىستى سالىق كودەكسىنە تۇزەتۋلەردى قوسپاعاندا، زاڭنىڭ ەرەجەلەرى 2017 جىلدىڭ 15 شىلدەسىنەن باستاپ قولدانىسقا ەنگىزىلەدى.
