پەرۋدە بۇرىنعى پرەزيدەنت پەن ونىڭ ايەلى ءبىر جارىم جىلعا قاماۋعا الىندى، دەپ حابارلايدى Qamshy.kz اقپارات اگەنتتىگى شەتەلدىك ب ا ق-قا سىلتەمە جاساپ. وليانتا ۋمالا مەن ونىڭ جارى اقشانىڭ ءىزىن جاسىرۋ جانە جەمقورلىق دەرەگى بويىنشا ايىپتالىپ وتىر. تەرگەۋ مالىمەتىنە ساي، ۋمالا مىرزا برازيليالىق «ودەبرەحت» كومپانياسىنان 3 ميلليون اقش دوللارىن الىپ، ونى سايلاۋالدى ناۋقانىنا جۇمساعان. ال ايەلى باسشىلىق ەتكەن پارتيانى وسى برازيليالىق كومپانيا مەن ۆەنەسۋەلا ۇكىمەتى زاڭسىز قارجىلاندىرعان بولۋى مۇمكىن.
الايدا ايىپتالۋشىلار مۇنىڭ ءبارىن جوققا شىعارىپ وتىر. نەگىزى تەرگەۋ امالدارى اياقتالعانشا ەرلى-زايىپتىلاردى قاماۋعا الۋ تۋرالى پروكۋرورلار سۇراعان. سەبەبى ولاردىڭ ەلدەن قاشىپ كەتۋىنەن كۇدىكتەنگەن.
ايتا كەتكەن ءجون، وليانتا ۋمالا پەرۋدى 2011-2016 جىلدار ارالىعىندا باسقارعان.
شولۋشى: ايگەرىم تاۋباي
پىكىر قالدىرۋ