Foreign Policy باسىلىمى Johnnie Walker ەسىمدى حاكەردەن رەسەيگە قاتىستى بارلاۋ قىزمەتىنە جاۋاپ بەرەتىن اقش مەملەكەتتىك دەپارتامەنتىنىڭ قۇپيا ءبولىمىنىڭ جوعارى لاۋازىمدى قىزمەتكەرىنىڭ ەلەكتروندى حاتتارىن جىبەرگەن دەپ حابارلايدى Qاmshy.kz اقپارات اگەنتتىگى.

اتالمىش باسىلىم حاكەردىڭ حاتتى بىرنەشە جەرگە جىبەرگەنىن ايتادى. ماتىندە اۆتور حاتتى gmail سەرۆەرىنەن العانى جازىلعان.

بەرىلگەن حاتتار 2 جىلدى قامتيدى. ونىڭ ىشىندە جەكەلەرى دە بار. سونىمەن قاتار، شەنەۋنىكتىڭ ورتالىق بارلاۋ قىزمەتكەرىمەن جانە باسقا دا بارلاۋ قىزمەتكەرلەرىمەن الماسقان حاتتارى، مەملەكەتتىك ەمەس ۇيىمدارمەن، حالىقارالىق قورلارمەن جازىسقان حاتتارى بار.

Foreign Policyء-دىڭ جازۋىنشا، مەملەكەتتىك دەپارتامەنتتىڭ 2017 جىلعى مالىمەتىنە ساي، شەنەۋنىك بارلاۋ باسقارماسىندا جانە زەرتتەۋ بولىمىندە جوعارى لاۋازىمدى يەلەنەدى. الايدا باسىلىم ونىڭ ءاتى-جونىن ۆەدومستۆانىڭ وتىنىشىمەن جانە قاۋىپسىزدىك ءۇشىن قۇپيادا ساقتاپ وتىر.

ساراپشىلار جۋرناليستەرگە، حاكەر رەسەي بويىنشا بارلاۋ قىزمەتىنىڭ ەڭ جوعارى لاۋازىمدى قىزمەتكەرىنىڭ جازعان حاتتارىن بۇزىپ كىرۋى مۇمكىن ەكەنىن ايتادى. 

شولۋشى: اسەم المۇحانبەت