24 جاستاعى تەحاس تۇرعىنى كريستيانا گەررەرو  جاقىندا ءوزىنىڭ بىرگە شاڭىراق قۇرعان جارى مەن ومىرگە كەلۋىن تاعاتسىزدانا كۇتىپ جۇرگەن سابيىمەن بىرگە جارقىن بولاشاقتى جوسپارلاپ جۇرگەن. ولاردىڭ ۇلدارى جاڭا جىل قارساڭىندا دۇنيەگە كەلۋ كەرەك ەدى. الايدا تاعدىر ولارعا كۇتپەگەن سىناق جىبەردى...

سان-انتونيودا جاس جۇبايلار بىرگە تاماقتانىپ بولعاننان سوڭ ۇيلەرىنە قايتىپ كەلە جاتقان جولدا جانتۇرشىگەرلىك جول اپاتى ورىن العان. رولدە وتىرعان كريستيانانىڭ كۇيەۋى ساۋ بولعانىمەن ولارعا كولىكتى ماس كۇيىندە جۇرگىزىپ كەلە جاتقان جۇرگىزۋشى كەلىپ سوقتىعىسقان. 21 جاستاعى ماس جۇرگىزۋشى وتە جوعارى جىلدامدىقپەن قارسى بەتتەن شىعىپ، جانتۇرشىگەرلىك جول اپاتىنا سەبەپشى بولدى. كريستيانانىڭ جارى فاديان وقيعا ورنىندا قازا تاپقان، ال ايەل اۋرۋحاناعا جەتكىزىلدى، دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساپ.

العاشقىدا دارىگەرلەر بالانىڭ جۇرەگى سوعىپ تۇرعانىن ايتقان، الايدا بىرنەشە ۋاقىتتان كەيىن دارىگەرلەر جاعدايدىڭ مۇلدەم باسقاشا ەكەندىگىن ايتىپ مويىنداۋعا ءماجبۇر بولدى. ءسابي اناسىنىڭ قۇرساعىندا جاتىپ قازا تاپقان ەكەن... دارىگەرلەر ءولى ۇرىقتى الىپ تاستاۋعا شەشىم قابىلداعان.

جاقىن ادامدارىنىڭ ومىردەن ءوتىپ كەتكەندىگىن قالاماعان كريستيانا ءوزىنىڭ الەۋمەتتىك جەلىدەگى جەكە پاراقشاسىندا بارلىق جۇرگىزۋشىلەرگە ارناپ پوست جازدى.

«بۇل سۋرەتتە مەن ەندى ەسىمدى جيىپ، بالام مەن كۇيەۋىمنەن ايىرىلىپ قالعان كەزىم ەدى. ال بۇل وقيعاعا ءبىر جۇرگىزۋشىنىڭ ماس كۇيىندە رولگە وتىرعاندىعى سەبەپ بولدى.

"مۇنداي جاعداي ەشكىمنىڭ باسىنا تۇسپەسە ەكەن دەيمىن، ەشقاشان قايتالانباسا ەكەن! ماس كۇيىندە كولىك جۇرگىزۋگە بەكىنگەن ادامدى كورگەن بولسا، ونىڭ قولىنان كۇشتەپ بولسىن كولىگىنىڭ كىلتىن الىپ الۋ كەرەك نەمەسە ءىشىپ العان ادامدار بىرەۋگە قوڭىراۋ شالىپ، ءوزىن الىپ كەتۋىن وتىنسە ەكەن. الايدا بۇل جولى جاعداي مۇلدەم باسقاشا بولدى...

ەشكىمدە ءوزىنىڭ ءومىرىن جازىقسىز ادامنىڭ ولىمىنە سەبەپكەر بولعانى ءۇشىن وكىنىشپەن وتكىزگىسى كەلمەيتىن شىعار. سول سەبەپتى دە ءوتىنىش قۇرمەتتى جۇرگىزۋشىلەر، رولگە ماس كۇيىندە وتىرماڭىزدارشى. بۇلاي سىزدەر تەك ءوزىڭىزدىڭ ەمەس، وزگەنىڭ دە ومىرىمەن ويناپ جاتقاندىقتارىڭىزدى تۇسىنسەڭىزدەر ەكەن دەيمىن...

الداعى ۋاقىتتاردا ءوزىمنىڭ وقيعاممەن سىزدەرمەن بولىسەتىن بولامىن. ەڭ قۇرىماعاندا، بۇل وقيعا باسقا بىرەۋگە ساباق بولار، وزگە بىرەۋدىڭ زارلاپ قالۋىنا جول بەرمەس...» - دەپ جازادى كريستيانا.

جول كولىك اپاتىنا سەبەپكەر بولعان ادام قاتتى جاراقات العان، الايدا ءتىرى قالىپتى. ماس كۇيىندە كولىك جۇرگىزگەنى ءۇشىن وعان «ادام ءولىمى» بويىنشا ايىپ تاعىلىپ، تەرگەۋ ءىسى ءجۇرىپ جاتىر.

اۋدارعان: نازەركە لابيحان