ازىرشە زەڭبىرەكتىڭ كومەگىمەن ۇشاق پەن كىشىگىرىم قايىقتاردى اتىپ تۇسىرۋگە بولادى. الايدا ءقازىر ودان دا كۇشى زور قارۋ دايىندالىپ جاتىر دەپ حابارلايدى Qamshy.kz اقپارات اگەنتتىگى CNN تەلەارناسىنا سىلتەمە جاساپ.

امەريكاندىق اسكەريلەر USS Ponce كەمەسىندە ورناتىلعان لازەرلى قارۋدىڭ جۇيەسىن سىناقتان وتكىزدى. سىناق ءساتتى ءوتتى.

«ونىڭ دالدىگى وقتان دا مىقتى. بۇل تەك اۋە جانە جەردەگى كەدەرگىلەردى جويا الاتىن تومەنگى ساپالى قارۋ ەمەس. اتالمىش قارۋ امبەباپ. ونى ءتۇرلى جاعدايدا قولدانۋعا بولادى» دەدى كەمە كاپيتانى كريستوفەر ۋەللس.

اسكەريلەردىڭ ايتۋىنشا، جەلدىڭ جىلدامدىعىنداي قوزعالاتىن لازەردىڭ ساۋلەسىنە جەل، دىتتىگەن ماقساتىنىڭ ۇزاقتىعى دەگەن سەكىلدى سىرتقى فاكتورلار اسەر ەتپەيدى. ال لازەرلى زەڭبىرەك ەشقانداي دىبىس شىعارمايدى.

قۇنى 40 ميلليون دوللاردى قۇرايتىن لازەرلى زەڭبىرەك گەنەراتورمەن جۇمىس ىستەيدى. ال جۇيەنى جۇمىس ىستەتۋگە ءۇش-اق ادام جەتكىلىكتى.