امەريكاندىق تانىمال باسىلىم Time كەزەكتى سانىنا رەسەي پرەزيدەنتى ءپۋتيننىڭ گارفيكالىق كومپوزيسيا نەگىزىندە جاسالعان پورترەتىن جاريالاعان. بۇل تۋرالى Qamshy.kz اقپارات اگەنتتىگى لەنتا.رۋ-عا سىلتەمە جاساپ حابارلايدى. جۋرنال سانىندا ءپۋتيننىڭ «رەسەيلىك حاكەرلەردىڭ» اقش-تىڭ سايلاۋ جۇيەسىنە توسقاۋىل قويۋ ارەكەتتەرى سىندى ماسەلەلەر جايىندا جازىلعان.
اۆتور ماقالاسىندا كاليفورنيادا پرەزيدەنت سايلاۋى كەزىندە بولعان ولقىلىقتار جايىندا ءسوز قوزعايدى. جەرگىلىكتى تۇرعىندار سايلاۋدا داۋىس بەرە الماي جاتقاندارىن ايتىپ شاعىمدانعان. كەيىن بەلگىلى بولعانداي حاكەرلەر دەرەكقوردى بۇزعاندىعى انىقتالدى.
رەسەيلىك حاكەرلەردىڭ امەريكاندىق سايلاۋعا ارالاسۋ ماسەلەسى پۋتينمەن ترامپ اراسىندا 7 شىلدە كۇنى وتكەن كەزدەسۋدە تالقىلانعان بولاتىن. مالىمەتتەرگە قاراعاندا ەكى ەل پرەزيدەنتى وسى پروبلەمانى تالقىلاۋعا 40 مينۋت ۋاقىت جۇمساعان.
