اەسي ساراپشىلارى قورعانىس مينيسترلىگى جانىنداعى ۇلتتىق قورعانىس زەرتتەۋلەرى ينستيتۋتىنان (NIDS) كەلگەن جاپوندىق ارىپتەستەرىمەن وتكەن كەزدەسۋ اياسىندا حالىقارالىق جانە اۋماقتىق قاۋىپسىزدىك، سونىڭ ىشىندە ورتالىق ازياداعى ايماقتىق ۇيىمداردىڭ جۇمىسى ماسەلەلەرىن تالقىلادى. كەزدەسۋ ق ر تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ الماتى قالاسىنداعى وكىلدىگىندە ءوتتى دەپ حابارلايدى Qamshy.kz اقپارات اگەنتتىگى.

كەزدەسۋ بارىسىندا ساراپشىلار قازاقستاننىڭ الدىڭعى قاتارلى دامىعان ەلدەرمەن ءوزارا ىقپالداستىعى مەن مەملەكەتىمىزدىڭ زاماناۋي كەزەڭدەگى سىرتقى ساياساتىنىڭ باسىم باعىتتارىن قاراستىردى.

ماماندار سولتۇستىك-شىعىس ازياداعى جاعدايعا قاتىستى ءوزارا پىكىر الماستى. اەسي ساراپشىلارى سولتۇستىك كورەيانىڭ يادرولىق باعدارلاماسى ناتيجەسىندەگى كورەي تۇبەگىندەگى شيەلەنىسكەن جاعدايدىڭ دامۋىنا قاتىستى NIDS وكىلدەرىنىڭ باعاسىنا قىزىعۋشىلىق تانىتتى. اەسي الماتىلىق وكىلدىگىنىڭ جەتەكشىسى اسقار نۇرشانىڭ سوزىنشە، قازاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە عانا ەمەس، سونىمەن قاتار، وزىنە ءتيىستى شەكتەۋلەر قويعان مەملەكەت رەتىندە دە يادرولىق قارۋدىڭ تارالماۋ رەجيمىنىڭ ساقتالۋىنا مۇددەلى.