كحدر بۇۇ قاۋىپسىزدىك كەڭەسىنىڭ جاڭا سانكسيا ەنگىزۋ تۋرالى شەشىمىنە قارسى شارا قولداناتىنىن ەسكەرتتى. بۇل تۋرالى ازيا-تىنىق مۇحيتى ايماعىنداعى الەمدى قولداۋ كوميتەتىنىڭ مالىمدەمەسىندە جازىلعان دەپ حابارلايدى Qamshy.kz اقپارات اگەنتتىگى.  پحەنيان بۇۇ جاڭا قارارىن «تەررورلىق اكتىگە تەڭەدى».

5 تامىزدا بۇۇ قاۋىپسىزدىك كەڭەسى پحەنيانعا قارسى سانكسيالاردى كۇشەيتەتىن قارار قابىلدادى. ەندى سولتۇستىك كورەيا كومىر، تەمىر، قورعاسىن جانە تەڭىز ونىمدەرىن ەكسپورتتاي المايدى. كحدر-نىڭ بانكتەردەگى سىرتقى ساۋدا شوتتارى توقتاتىلدى. سولتۇستىك كورەيانىڭ تەڭىز كەمەلەرى بارلىق ەلدەرگە كەلە المايدى.

ەستەرىڭىزگە سالا كەتەيىك، 29 شىلدەدە كحدر «حۆاسون-14» بالليستيكالىق زىمىرانىن ۇشىرعانىن راستادى. سىناق كورشى ەلدەرگە ەشقانداي ءقاۋىپ توندىرمەيتىنىن، بۇل اقش-قا ەسكەرتۋ رەتىندە ۇشىرىلعانى حابارلاندى.