استاناداعى سيريا جونىندەگى كەلىسسوزدەردىڭ كۇن ءتارتىبى تەگەراندا وتەتىن ەلدەردىڭ بىتىمگە كەلۋى وتىرىسىندا انىقتالادى. بۇل تۋرالى سەيسەنبى كۇنى جۋرناليستەرگە ق ر سىرتقى ىستەر ءمينيسترى قايرات ءابدىراحمانوۆ حابارلادى، دەپ جازادى Qamshy.kz اقپارات اگەنتتىگى.

«جوسپارعا سايكەس، بۇل كۇندەرى تەگەراندا سيريا بويىنشا استانا پروسەسىنىڭ شەڭبەرىندە كەپىل-مەملەكەتتەر ساراپشىلارىنىڭ كەزدەسۋى وتەدى. كەزدەسۋ بارىسىندا استانادا وتەتىن كەلىسسوزدەردىڭ كەلەسى كەزەڭىنىڭ كۇن ءتارتىبى انىقتالادى. كەلىسسوزدەر تامىزدىڭ اياعىنا جوسپارلانادى، ازىرگە ەشقانداي وزگەرىس جوق»، – دەدى ءابدىراحامانوۆ.

ايتا كەتەيىك، سيريا بويىنشا استاناداعى بەسىنشى حالىقارالىق كەزدەسۋ 4-5 شىلدەدە وتكەن. كەزدەسۋ قورىتىندىسىنا سايكەس، ۇرىس ءىس-قيمىلدارىن توقتاتۋ رەجيمىنە كەپىل-مەملەكەتتەر – يران، رەسەي جانە تۇركيا – ءارى قاراي ماقۇلداۋ ماقساتىمەن سيريادا جانجالدى تەجەۋ ايماقتارىنىڭ پارامەترلەرىن رەگلامەنتتەيتىن قۇجاتتاردى قاراستىردى. سونداي-اق سيريادا جانجالدى تەجەۋ ايماقتارىن قۇرۋ تۋرالى مەموراندۋمعا سايكەس گۋمانيتارلىق كومەكتىڭ كەدەرگىسىز قاتىناۋىن، ينفراقۇرىلىم وبەكتىلەرىن قايتا قالپىنا كەلتىرۋ ماسەلەلەرىن تالقىلادى.