فرانسيادا تاعى ءبىر تەراكت ورىن الدى. ناتيجەسىندە اسكەري قىزمەتكەرلەر جاپا شەكتى. شابۋىل سالدارىنان 6 ادام جارالاندى. تاعى 2 ادامنىڭ جاعدايى مۇشكىل. قۇقىق قورعاۋشىلار شابۋىلدى الدىن الا ۇيىمداستىرىلعان دەپ وتىر. بۇل تۋرالى Qamshy.kz اقپارات اگەنتتىگى 10minut.info مالىمەتىنە سۇيەنىپ حابارلايدى.
جاراقات العان 6 اسكەري قىزمەتكەردىڭ ومىرلەرىنە ەش ءقاۋىپ ءتونىپ تۇرعان جوق. وقيعا پاريج قالاسىنىڭ سولتۇستىك-باتىسىنداعى ليەۆاللۋا ايماعىندا ورىن العان. قىزمەتكەرلەرگە شابۋىل جاساعان كولىك جۇرگىزۋشىسى وقيعا ورنىنان قاشىپ كەتكەن. پوليسيا قىزمەتكەرلەرى قىلمىسكەردى ىزدەستىرۋ جۇمىستارىن جۇرگىزىپ جاتىر. شابۋىلشىنىڭ نە ماقساتتى كوزدەگەنى ازىرگە بەلگىسىز.
ايتا كەتسەك، 2015 جىلدىڭ قاراشا ايىنان باستاپ فرانسيادا ءتۇرلى قىلمىستىق وقيعالار ورىن الۋدا.
پىكىر قالدىرۋ