قىرعىزستان مەملەكەتتىك ۇلتتىق قاۋىپسىزدىك كوميتەتى ءمالىم ەتكەندەي، باتكەن وبلىسىنىڭ سوتى دايش حالىقارالىق تەرروريستىك ۇيىمىنىڭ قۇرامىندا بولعان ءۇش قىرعىزستاندىق ازاماتتى ۇزاق مەرزىمگە تۇرمەگە قامادى دەپ جازادى Qamshy.kz اقپارات اگەنتتىگى.

سوت ولاردى «توناۋ»، «جالشىلىق»، «زاڭسىز ساتىپ الۋ، بەرۋ، تاسىلمالداۋ، ساتۋ»، «مەملەكەتتىك شەكارالاردى زاڭسىز كەسىپ ءوتۋ»، «جالعان قۇجاتتاردى پايدالانۋ»، «سوعىسقا شاقىرۋ» ىستەرى بويىنشا ايىپتى دەپ تانىدى. ايىپتىلار 12 جىلدان 15 جىلعا دەيىن باس بوستاندىعىنان ايىرىلىپ، جەكە مۇلىكتەرى تاركىلەندى جانە كۇشەيتىلگەن رەجيمدەگى كولونياعا قامالدى.

قىرعىزستان مۇقك حابارلاعانداي، جازاعا كەسىلگەندەر سيريا مەن يراك ەلدەرىندە اسكەري دايىندىققا قاتىسقان جانە تەرروريستىك اكتىلەردى ورىنداۋ ءۇشىن قىرعىزستانعا جىبەرىلگەن.