ليۆان اسكەرى سيريامەن شەكارالاس راس باالبەك قالاشىعىنىڭ ماڭىندا بەكىنگەن «يراك جانە ليەۆانت» لاڭكەستىك ۇيىمى سودىرلارىنا قارسى اسكەري وپەراسيا باستادى. بۇل تۋرالى Qamshy.kz اقپارات اگەنتتىگى 24.kz سايتىنا سىلتەمە جاساپ حابارلايدى.
ءقازىر ساربازدار سودىرلاردىڭ قولىندا بولعان بىرنەشە جوتانى باقىلاۋىنا الدى. اۋىر ارتيللەريامەن سوققى كەزىندە لاڭكەستەردىڭ بىرنەشە تانكىسى مەن ءبىراز تەحنيكاسى جويىلعان.
ايتا كەتەيىك، وتكەن ايدىڭ سوڭىنا تامان ليۆان اسكەرى مەن «حەزبوللا» توبىنىڭ جاساقتارى ەرسال ايماعىندا ارەكەت ەتكەن «دجەبحات ءان-نۋسرا» لاڭكەستىك ۇيىمىنىڭ سودىرلارىنا قارسى ارنايى وپەراسيا جۇرگىزىپ، جەڭىسكە جەتكەن. بىرنەشە كۇنگە سوزىلعان ۇرىستان كەيىن لاڭكەستەر جانۇيالارىمەن بىرگە ليۆان اۋماعىنان سيريانىڭ يدليب ايماعىنا قاراي كەتەتىن بولىپ كەلىسكەن.
