رەسەيدىڭ سۋرگۋت قالاسىنىڭ كريستينا ماكسيميۋك ەسىمدى تۇرعىنى تۇركياداعى دەمالىستان كەيىن ماسكەۋدەگى اۋرۋحانالاردىڭ بىرىندە كوز جۇمدى. بۇل تۋرالى Qamshy.kz اقپارات اگەنتتىگى ينتەرفاكس مالىمەتىنە سۇيەنىپ حابارلايدى.

كريستينا ماكسيميۋكتىڭ ءولىمى جايلى ونىڭ اپكەسى نادەجدا گۋمەنيۋك حابارلاعان.

الانياداعى دەمالىس كەزىندە 34 جاستاعى ماكسيميۋك كوماعا تۇسكەن. ونى دەرەۋ رەسەيگە جەتكىزۋ كەرەك بولعان. جاقىندارىنىڭ ايتۋى بويىنشا، ونىڭ جۇرەك تالماسى ۇستاعان. جاعدايىنىڭ ناشار ەكەنى حابارلانعان.

17 تامىز كۇنى كريستينا ماكسيميۋك ماسكەۋگە جەتكىزىلگەن. رەسەيگە جەتكىزۋدەگى شىعىندى ساقتاندىرۋ كومپانياسى ءوز مويىندارىنا العان. ال ماسكەۋدەگى شىعىندى يۋگرانىڭ بيلىگى تولەۋدى جوسپارلاعان.

نادەجدا گۋمەنيۋكتىڭ ايتۋى بويىنشا، تۇركياداعى اۋرۋحانادا ناۋقاسقا ەش جاعداي جاساماعان.

مارقۇمنىڭ تۋىستارىنىڭ ايتۋى بويىنشا، رەسەيلىك دارىگەرلەر ەشتەڭە ىستەي الماعان. سەبەبى تۇركيالىق دارىگەرلەر ەمدەۋ ۋاقىتىن بوس جىبەرىپ العان.