سولتۇستىك كورەيادا تىركەلگەن 6.3 بالدىق جەر سىلكىنىسىنىڭ سۋتەگى بومباسى سىناعىنىڭ اسەرىنەن پايدا بولعانى انىقتالدى دەپ جازادى Qamshy.kz. وسىعان بايلانىستى جاپون سوعىس ۇشاقتارى اۋەگە كوتەرىلگەن.

سولتۇستىك كورەيانىڭ يادرولىق راكەتا سىناعىن جاساعان اۋماعىندا 10 km تەرەڭدىكتە تىركەلگەن جەر سىلكىنىسىنىڭ تابيعي اپات ەمەس، ادام اسەرىنىڭ فاكتورى ەكەنى انىقتالىپ وتىر.

سولتۇستىك كورەيانىڭ 2017 جىلى جاساعان 6-ىنشى يادرولىق سىناعى باسقا سىناقتاردان 10 ەسە قۋاتتى بولعان. پحەنيان بيلىگى جوعارى دەڭگەيلى سۋتەگى بومباسىن جاساعانىن حابارلاپ، جاقىن ۋاقىتتا ماڭىزدى «مالىمدەمە» جاساۋى مۇمكىن.

جەرسىلكىنىسى سولتۇستىك كورەيانىڭ سولتۇستىگىندەگى قىتايدان، وڭتۇستىك كورەيانىڭ استاناسى سەۋلگە دەيىنگى ارالىقتى 5-10 سەكۋند اراسىنداعى سىلكىنىس رەتىندە سەزىلدى. جەرسىلكىنىسىنەن 8 مينۋت وتكەن سوڭ 4.6 بالدىق سەرپىندى سىلكىنىس تاعى تىركەلگەن.

جەرسىلكىنىسىنەن بىرنەشە ساعات بۇرىن سولتۇستىك كورەيا كيم چەن ىن جاڭا ءبىر سۋتەگى بومباسىمەن كورىنگەن. ءدال وسى ساعاتتاردا سولتۇستىك كورەيانىڭ كەڭ دياپوزوندىق راكەتا سىناعى كۇتىلگەن.

تۇرىكتىڭ انادولى اگەنتتىگىڭ جازۋىنشا، اقش پرەزيدەنتى ترامپ جاپون پرەمەرى سيندزو ابەمەن تەلەفون ارقىلى سويلەسىپ، «ۇلعايىپ كەلە جاتقان سولتۇستىك كورەيا ءقاۋپىن قولعا الىپ جاتقانىن» ايتقان.  اتالعان مالىمەتتى اق ءۇيدىڭ ءباسپاسوزدىڭ قىزمەتى دە جازباشا مالىمدەمەن راستاعان. مالىمدەمەدە اقش پەن جاپونيا ليدەرلەرىنىڭ سولتۇستىك كورەياعا قىسىمدى ەڭ جوعارى دەڭگەيگە كوتەرۋ تۋرالى ورتاق پىكىرگە توقايلاسقان.

سولتۇستىك كورەيانىڭ اقش، جاپونيا جانە وڭتۇستىك كورەياعا باعىتتالعان ءقاۋپى تۋرالى ايتقان ترامپ بۇۇ شارتتارى اياسىندا ءۇش ەلدىڭ جاقىن بايلانىسى ماڭىزدى ەكەنىن تىلگە تيەك ەتكەن.