2017 جىلعى 6 قىركۇيەكتە «نۇر وتان» پارتياسى مەن «جاس وتان» جق «قارجى ورتالىعى» اق-مەن بىرلەسە وتىرىپ، قازاقستاننىڭ پارلامەنت دەپۋتاتتارىنىڭ، كورنەكتى قايراتكەرلەردىڭ، بيزنەس-قوعامداستىقتارى وكىلدەرىنىڭ مەملەكەتتىك ءبىلىم بەرۋ جيناقتاۋ جۇيەسىنىڭ (مبجج) شەڭبەرىندە از قامتىلعان وتباسىلارداعى بالالاردىڭ اتىنا ءبىلىم بەرۋ دەپوزيتتەرىن اشۋ بويىنشا «تابىستى بولاشاققا كەپىلدىك!» قايىرىمدىلىق اكسياسىن باستادى دەپ حابارلايدى Qamshy.kz اقپارات اگەنتتىگى. 

ءىس-شارا «نۇر وتان» پارتياسىنىڭ حاتشىسى فارحاد شايمۇرات ۇلى قۋانعانوۆتىڭ العى سوزىمەن اشىلدى. ول ءوز سوزىندە مەملەكەتتىڭ بۇل باستاماسىن وڭ تىلەكتەرىمەن قولداپ، «تابىستى بولاشاققا كەپىلدىك!» ناۋقانىنىڭ باستالعاندىعىن جاريالادى.

ءىس-شاراعا ق ر پارلامەنتى دەپۋتاتتارى، «قارجى ورتالىعى» اق-نىڭ، قازاقستان رەسپۋبليكاسى ءبىلىم جانە عىلىم مينيسترلىگىنىڭ وكىلدەرى، «نۇر وتان» پارتياسىنىڭ  ورتالىق اپپاراتى مەن ايماقتىق فيليالدارىنىڭ، «جاس وتان» جق-نىڭ وكىلدەرى قاتىستى.

«جاس وتان» جاستار قاناتىنىڭ وكىلى دانيار سۇندەتبايەۆ ءوز كەزەگىندە مۇنداي اكسيانىڭ قازاقستان جاستارىنىڭ كەلەشەگى ءۇشىن ماڭىزدىلىعىن تىلگە تيەك ەتىپ، بۇل باستاماعا جان-جاقتى قولداۋ كورسەتكەندەرگە العىس ايتتى.

دەپۋتاتتار عانا ەمەس، سونداي-اق بارلىق قازاقستاندىقتار دا ءوز بالالارىنىڭ نەمەسە از قامتىلعان، تۇرمىسى تومەن بالالاردىڭ وقۋىنا دەپوزيت اشا الادى.  

مببجج – بۇل اتا-انا/قامقورشى ءوزىنىڭ نەمەسە بالانىڭ اتىنا مبجج-عا قاتىسۋشى-بانكتە ءبىلىم بەرۋ دەپوزيتىن اشىپ، بانكتىڭ سىياقىسى مەن مەملەكەتتىڭ سىيلىقاقىسىنان قۇرالاتىن  21 %-عا دەيىنگى جىلدىق تابىستىلىقپەن بولاشاقتا ءبىلىم الۋ ماقساتىندا قاراجات جيناۋعا مۇمكىندىك الاتىن ءبىلىم الۋدىڭ قولجەتىمدىلىگىن ارتتىرۋعا باعىتتالعان مەملەكەتتىك شارا.