ورتالىق كوممۋنيكاسيالار قىزمەتىندە «بولاشاق» قاۋىمداستىعىنىڭ كەڭەس ءتوراعاسىنىڭ مىندەتىن اتقارۋشىسى، قازاقستان رەسپۋبليكاسى پارلامەنتى ءماجىلىسىنىڭ دەپۋتاتى باقتيار ماكەن، قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگى جاستار ساياساتى دەپارتامەنتىنىڭ ديرەكتورى عابيدوللا وسپانقۇلوۆ جانە استانا قالاسى جاستار ساياساتى ماسەلەلەرى باسقارماسىنىڭ باسشىسى، «جاستار كادرلىق رەزەرۆى» جوباسىنىڭ رەزيرۆيستى اسحات ورالوۆتىڭ قاتىسۋىمەن «جاستار كادرلىق رەزەرۆى» جوباسىنىڭ باستالۋى» تاقىرىبىنا باسپا ءسوز كونفەرەنسيا ءوتتى دەپ حابارلايدى Qamshy.kz اقپارات اگەنتتىگى.
«بولاشاق» قاۋىمداستىعى ءدىن ىستەرى مەن ازاماتتىق قوعام مينيسترلىگىنىڭ قولداۋىمەن «جاستار كادرلىك رەزەرۆى 2017» رەسپۋبليكالىق جوباسىن ىسكە قوستى.
جوبانىڭ ماقساتى: جاستار اراسىنان مەملەكەتتىك باسقارۋ جۇيەسى، بيزنەس پەن قوعامدىق قىزمەت ءۇشىن زاماناۋي جانە ءتيىمدى باسقارۋشىلاردىڭ جاڭا توبىن قالىپتاستىرۋ.
جوبادا 18 بەن 29 جاس ارالىعىنداعى قازاقستان رەسپۋبليكاسىنىڭ ازاماتتارى قاتىسا الادى. قاتىسۋعا وتىنىمدەردى قابىلداۋ www.rezerv.kz سايتىندا وسى جىلدىڭ 12-30 قىركۇيەك كۇندەرىنىڭ ارالىعىندا جۇزەگە اسادى.
جوبا بىرنەشە كەزەڭدە وتەدى: سايىسكەرلەردى تىركەۋ، ىرىكتەۋ، سۇحباتتاسۋ، ءبىلىم بەرۋ كەزەڭى جانە تاعىلىمدامادان ءوتۋ.
جوبا ناتيجەلەرى بويىنشا مەملەكەتتىڭ ءاربىر ايماعىنان 3 ادامنان، جالپى 48 جاستار ىرىكتەلىپ الىنادى. 32 ادام ق ر پارلامەنت ماجىلىسىندە، ال 16 ادام مەملەكەتتىك ورگاندار مەن ۇلتتىق كومپانيالاردا تاعىلىمدامادان وتەدى.
سايىسكەرلەردى ق ر پارلامەنتى ءماجىلىسىنىڭ، وبلىستىق جانە قالالىق ءماسليحات دەپۋتاتتارىنان، مەملەكەتتىك ورگانداردىڭ، قوعامدىق ۇيىمداردىڭ، ب ا ق جانە بيزنەس سالاسىنىڭ وكىلدەرىنەن تۇراتىن ارنايى كوميسسيالار ىرىكتەيدى.
«بولاشاق» قاۋىمداستىعى كەڭەسىنىڭ ءتوراعاسى م.و. باحتيار ماكەن: «بولاشاققا باعدار: قوعامدىق سانانى جاڭعىرتۋ» اتتى ماقالاسىندا ەلىمىزدىڭ پرەزيدەنتى بىلىمگە ەرەكشە نازار اۋدارادى جانە باستى قۇندىلىق ءبىلىم الۋ بولعان جاعدايدا ۇلتتىڭ تابىسقا جەتەتىنى تۋرالى ايتادى. ءبىزدىڭ باستى ماقساتىمىز – وسى جوبانىڭ كومەگىمەن ەلىمىزدىڭ جاس ۇرپاعىنىڭ ەڭ جاقسى الەۋەتىنە نەگىزدەلگەن كۇشتى رەزەرۆتى قۇراستىرۋ. مەملەكەت جاستار يگىلىگىنە باعىتتاعان رەسۋرستار وسى سەكىلدى باعدارلامالار ارقىلى ءوز قولدانىسىنا يە بولادى»، - دەپ اتاپ ءوتتى.
