وزبەكستان پرەزيدەنتى شاۆكات ميرزيەيەۆتىڭ جاڭا كومانداسىنىڭ قۇرامىنا العاش رەت قىز قوسىلدى. بۇل تۋرالى مەملەكەتتىڭ حالىقارالىق ءبىلىم ءمينيسترىنىڭ ەڭ جاس ورىنباسارى الىشەر سادۋللايەۆ حابارلادى، دەپ جازادى Qamshy.kz اقپارات اگەنتتىگى.

ونىڭ ايتۋىنشا، مەملەكەت باسشىلىعىنىڭ جاڭا وكىلى وزبەك مەملەكەتتىك الەم تىلدەرى ۋنيۆەرسيتەتىنىڭ تۇلەگى گاۆحار ساگدۋللايەۆا. ول حالىقارالىق ءبىلىم بەرۋ مينيسترلىگىنىڭ جاستارمەن جۇمىس ىستەيتىن باسقارما ينسپەكتورى بولىپ تاعايىندالدى.

«جاعىمدى جاڭالىق! پرەزيدەنت كومانداسىندا العاشقى قىز پايدا بولدى. حالىقارالىق ءبىلىم بەرۋ مينيسترلىگىندە جاستارمەن جۇمىس ىستەۋ باسقارماسى اشىلاتىنىن بۇعان دەيىن دە ايتقانمىن. مينيستر ورىنباسارى بولىپ تاعايىندالعان كۇننەن باستاپ-اق مەنىڭ باستى ماقساتىم ەلدىڭ دامۋىنا ۇلەس قوسا الاتىن كوشباسشىلار كومانداسىن جيناۋ بولدى. ءدال ءقازىر وزبەكستان پرەزيدەنتى كومانداسىنىڭ جاڭا مۇشەسىمەن تانىستىرۋعا رۇقسات ەتىڭىزدەر»، –  دەدى سادۋللايەۆ گاۆحار ساگدۋللايەۆانى تانىستىرۋ برىسىندا.

سونداي-اق سادۋللايەۆ قىز بالالاردىڭ بىلىكتىلىگىنە كوڭىل ءبولىپ، ارالارىنان تالانتتىلارىن يننوۆاسيالىق جانە ءبىلىم بەرۋ جوبالارىنا ارالاستىرۋعا مۇمكىندىك بەرۋ كەرەك ەكەنىن ەسكەرتتى.