دەموكراتيالىق كۇشتەردىڭ "قازاقستان-2050" جالپىۇلتتىق كواليسياسىنىڭ وتىرىسىندا "نۇر وتان" پارتياسى ءتوراعاسىنىڭ ءبىرىنشى ورىنباسارى مۇحتار قۇل-مۇحاممەد لاتىنعا كوشۋ ۇلتىمىزعا قاتىستى ءۇش بىردەي ماسەلەنىڭ وڭ شەشىلۋىنە سەپتىگىن تيگىزەتىنىن ايتتى دەپ حابارلايدى Qamshy.kz اقپارات اگەنتتىگى.

"لاتىنعا كوشۋ ارقىلى ءبىز ۇلتىمىزدىڭ الەمدىك باسەكەگە قابىلەتتىلىگىن ارتتىراتىن ءۇش ماسەلەنى شەشەمىز. بىرىنشىدەن، اعىلشىن ءالفاۆيتىنىڭ نەگىزىندەگى جاڭا ءقارىپ جۇيەسى جاستارىمىزدىڭ دا جاسامىستارىمىزدىڭ دا اعىلشىن ءتىلىن مەڭگەرۋىن جەڭىلدەتەدى. ەكىنشىدەن، اعىلشىن ءالفاۆيتى مەن ءتىلىن ۇيرەنۋ ارقىلى ءعىلىم-بىلىمنىڭ وسى تىلدە جاسالعان مول قازىناسىن ەركىن يگەرۋگە جول اشادى. ۇشىنشىدەن، جەر جۇزىنە تارىداي شاشىلعان بار قازاقتىڭ باسىن قوسادى"، – دەدى مۇحتار قۇل-مۇحاممەد.

سونداي-اق، وتىرىستا "اق جول"، قازاقستاننىڭ كوممۋنيستىك حالىقتىق پارتياسى، "اۋىل" جانە "بىرلىك" ساياسي پارتيالارىنىڭ جەتەكشىلەرى ءسوز الىپ، لاتىن الىپبيىنە كوشۋدى قولدايتىندارىن جەتكىزدى. ءىس-شاراعا قاتىسقان بەلگىلى عالىمدار مەن ءتىل ماماندارى دا ەلباسى باستاماسىنىڭ ەل بولاشاعى ءۇشىن ماڭىزى زور ەكەنىنە ەرەكشە نازار اۋداردى. ناتيجەسىندە دەموكراتيالىق كۇشتەردىڭ "قازاقستان-2050" جالپىۇلتتىق كواليسياسىنىڭ قازاقستان حالقىنا ارناعان ۇندەۋى جاريالاندى.