48 قازاقستاندىق ق ر پارلامەنت ماجىلىسىندە ەكى اپتالىق تاجىريبەدەن وتەدى.
جاستارعا مۇنداي مۇمكىندىك بەرىپ وتىرعان «جاستار كادرلىق رەزەرۆى» جوباسى. بۇل تۋرالى «بولاشاق» اسسوسياسيالىق كەڭەسىنىڭ ءتوراعاسى باحتيار ماكەن حابارلادى، دەپ جازادى Qamshy.kz اقپارات اگەنتتىگى.
ونىڭ ايتۋىنشا، جوباعا 18-29 جاس ارالىعىنداعى كەز-كەلگەن ازاماتتىڭ ات سالىسۋعا مۇمكىندىگى بار. الايدا ارنايى كوميسسيا رەسپۋبليكانىڭ ءار ايماعىنان 3 ادامدى عانا تاڭداپ الادى. تاجىريبەدەن وتۋگە نيەتتى ازاماتتار ءۇشىن الدىمەن ءۇش كۇن ترەنينگ وتەدى. بەلسەندىلىگىمەن كوزگە تۇسكەندەر ارنايى سەرتيفيكاتتار الادى.
ايتا كەتۋ كەرەك، بايقاۋدىڭ ءوتىپ جاتقانىنا 8 جىل بولدى. 8 جىل ۋاقىت ارالىعىندا بايقاۋعا 14 000 جاس قازاقستاندىق ات سالىستى.
