لاتىن الىپبيىنە كوشۋگە قاتىستى «جاس وتان» كورپوراتيۆتىك قورىنىڭ باسشىسى م. احمەتوۆ نۇرسۇلتان نازاربايەۆقا حات جولدادى دەپ حابارلايدى Qamshy.kz اقپارات اگەنتتىگى. ونىڭ ءماتىنى تومەندەگىدەي.

"قازاقستان رەسپۋبليكاسىنىڭ پرەزيدەنتى،

ەلباسى نۇرسۇلتان ءابىش ۇلى نازاربايەۆقا

اسا مارتەبەلى، نۇرسۇلتان ءابىش ۇلى، تاۋەلسىزدىگىمىزدى العان ساتتەن باستاپ، ءسىز قازاقستان جاستارىنا ءاردايىم دەمەپ، قولايلى جاعداي جاساپ كەلەسىز. ونىڭ ىشىندە ەلىمىزدەگى جاستاردىڭ ورداسى سانالاتىن الماتى قالاسىنىڭ جاستارىنا دەگەن ءىلتيپاتىڭىزدى ەرەكشە سەزىنىپ كەلەمىز. بۇعان دالەل رەتىندە شيرەك عاسىر ارالىعىندا ءسىزدىڭ باستامالارىڭىز بەن ساياسي ۇستانىمىڭىز جاستاردىڭ ورتاسىندا قولداۋعا يە بولىپ، ءبىراۋىزدان ماقۇلدانىپ وتىرعانىن ايتۋعا بولادى.

         لاتىن الىپبينە كوشۋ ماسەلەسى ەرتەدەن تالقىعا ءتۇسىپ، قوعامداعى وزەكتى ماسەلەلەردىڭ ءبىرى بولعانى بەلگىلى. ءسىز ءوزىڭىزدىڭ ساياسي كورەگەندىگىڭىزدىڭ ارقاسىندا وسى جولىدا لاتىن الىپبيىنە كوشۋدى جىلدامداتۋ باعىتىن ۇستانىپ، حالىقتىڭ ويىنداعى ماسەلەنى ءدال ۋاقىتىندا قولعا الدىڭىز. اسىرەسە بۇل ۇدەرىس قازاقستاندىق جاستارعا عىلىم مەن تەحنيكانى مەڭگەرۋگە جول اشا وتىرىپ، ءتول ءالىپبيىمىزدىڭ قايتا جاڭعىرۋىنا مۇمكىندىك بەرمەك. لاتىنعا كوشكەنىمىزدە ۇتاتىن تۇستارىمىز: بىرىنشىدەن تىلىمىزدەگى قازىرگى جات دىبىستاردى تاڭبالايتىن ارىپتەردى قىسقارتىپ، سول ارقىلى قازاق ءتىلىنىڭ تابيعي تازا قالپىن ساقتاۋعا مۇمكىندىك الامىز. ەكىنشىدەن، قازاق ءتىلىن وقىتقان ۋاقىتتا باسى ارتىق تاڭبالارعا قاتىستى ەملە، ەرەجەلەردىڭ قىسقاراتىنى بەلگىلى. ول مەكتەپتەن باستاپ بارلىق وقۋ ورىندارىندا وقىتۋ ءۇردىسىن جەڭىلدەتەدى. ۋاقىت تا، قارجى دا ۇنەمدەلەدى. ۇشىنشىدەن، لاتىن الىپبيىنە كوشۋ – قازاق ءتىلىنىڭ حالىقارالىق دارەجەگە شىعۋىنا جول اشادى. قازاق تىلىنە كومپيۋتەرلىك جاڭا تەحنولوگيالار ارقىلى حالىقارالىق اقپارات كەڭىستىگىنە كىرىگۋگە ءتيىمدى جولدار اشىلادى. تورتىنشىدەن، ءتۇبى ءبىر تۇركى دۇنيەسى، نەگىزىنەن، لاتىندى قولدانادى. بىزدەرگە ولارمەن رۋحاني، مادەني، عىلىمي، ەكونوميكالىق قارىم-قاتىناستى، تىعىز بايلانىستى كۇشەيتۋىمىز كەرەك.

         وسى ماقساتتا ەلىمىزدەگى «نۇر وتان» پارتياسىنىڭ جانىنداعى «جاس وتان» جاستار قاناتىنىڭ بەلسەندىلەرى جاستاردىڭ اراسىندا لاتىنداندىرۋ باعدارلاماسىن قوعامدىق تالقىلاۋ اياسىندا ءتۇسىندىرۋ جۇمىستارىن باستاپ كەتتى. ءسىزدىڭ، بىزگە ارتقان ۇمىتىڭىزبەن سەنىمىڭىزدى اقتاپ، جاستار تاراپىنان قاجەتتى شارالاردى جۇرگىزەتىن بولامىز" دەپ جازدى «جاس وتان» كورپوراتيۆتىك قورىنىڭ باسشىسى م. احمەتوۆ.