«تۇركيا ارۋى – 2017» سۇلۋلىق بايقاۋىنىڭ جەڭىمپازى ىتىر ەسەن وتكەن جىلدىڭ شىلدەسىندە ەلدە بولعان توڭكەرىسكە بايلانىستى تۆيتتەر پاراقشاسىنا جازبا قالدىرعانى ءۇشىن بىرنەشە ساعاتتا تاجىنەن ايىرىلدى. بۇل تۋرالى بايقاۋ ۇيىمداستىرۋ كوميەتىنىڭ باسشىسى دجان ساندىكچيوگلۋ حابارلادى.
تۇركيا ارۋى ءوز جازباسىندا توڭكەرىسكە ءبىر جىل تولعانىن، سونداي-اق ءوزىنىڭ قانى توڭكەرىستە قازا بولعانداردىڭ قانىنا قوسىلعانىن جازدى. ءوز كەزەگىندە بايقاۋ ۇيىمداستىرۋشىلارى اتالمىش جازبانى تۇركياىڭ اتىنان شىعارىپ وتىرعان ارۋعا مۇلدەم جاراسپايتىن ادەپسىزدىك ەكەنىن ايتتى.
«وكىنىشكە وراي جازبانى قالدىرعان ىتىر ەسەننىڭ ءوزى. «تۇركيا ارۋى» بايقاۋىنىڭ ۇيىمداستىرۋ كوميتەتى ىتىر ەسەن سىندى ارۋدى تۇركيانىڭ بەينەسى رەتىندە كورسەتە المايدى»، - دەدى ساندىكچيوگلۋ حابارلاماسىندا.
پىكىر قالدىرۋ